नेमकी घटना काय?

याप्रकरणी अधिक माहिती अशी की, ओम हा बाभूळगाव बुद्रुक तालुका वैजापूरयेथील रहिवासी आहे. सध्या तो छत्रपती संभाजीनगर येथील वाळूज पंढरपूर भागामध्ये राहत होता. पंढरपुरी येथील एका खासगी कंपनीमध्ये काम करून तो शिक्षण पूर्ण करत होता. शाळेचे शिक्षण सुरू असल्याने तो गावाकडे दुचाकीने ये जा करत होता. दरम्यान, काल मंगळवारी सकाळी तो कामावर न जाता परिक्षेसाठी शाळेकडे जाणार होता. वाळुज येथून दुचाकीने क्र MH 20 GW 6834 या गारज शूरकडे निघाला होता. देवगाव रंगारी मार्गे जाताना तो पुलापर्यंत पोहोचला. यावेळी त्याचं दुचाकीवरील नियंत्रण सुटलं. भरधावेगात असलेली दुचाकी थेट पुलाच्या संरक्षण भिंतीला धडकली. या भीषण अपघातामध्ये ओमच्या डोक्याला गंभीर जखम झाली होती. नागरिकांनी त्याला तात्काळ रुग्णालयात दाखल केलं असता डॉक्टरांनी त्याला तपासून मृत घोषित केलं. 18 वर्षीय तरुणाचा मृत्यू झाल्यामुळे गावात हळहळ व्यक्त करण्यात आली. याप्रकरणी आकस्मिक मृत्यूची नोंद करण्यात आली असून पुढील तपास पोलीस करीत आहेत.

भीषण अपघातात बहिणीचा करूण अंत

समृद्धी महामार्गावर अपघातांचे प्रमाण खूप वाढले आहे. रविवारी सकाळी झालेल्या अपघातात बहीण- भावांचा मृत्यू झाल्याची घटना ताजी असतानाच आणखी एक घटना उघडकीस आली आहे. भावाचे मृतदेह अंतिम विधींसाठी घेऊन जात असताना, ॲम्बुलन्सचा भीषण अपघात झाल्याने बहि‍णीचा जागीच मृत्यू झाला आहे. यामुळे त्यांच्या कुटुंबावर दु:खाचा डोंगर कोसळला आहे.

Raigad Crime : ‘तू मला आवडतेस, तुझा…’; भर रस्त्यात अल्पवयीन मुलीचा पाठलाग, अलिबागमध्ये खळबळ, काय घडलं?

रात्री हृदयविकाराच्या झटक्याने 65 वर्षीय भावाचा मृत्यू झाला होता. उत्तर प्रदेश येथील मूळ गावी ॲम्बुलन्सच्या माध्यमातून मृतदेह घेऊन जात असताना समृद्धी महामार्गावर ॲम्बुलन्सचा भीषण अपघात झाला. या अपघातात बहि‍णीचा जागीच मृत्यू झाला तर इतर लोक गंभीर जखमी झाली आहेत. ही दुर्दैवी घटना रात्री एक वाजेच्या सुमाला समृद्धी महामार्गावरील जांबरगाव शिवारात घडली. याप्रकरणी ॲम्बुलन्स चालकाविरुद्ध वैजापूर पोलीस ठाण्यामध्ये गुन्हा दाखल करण्यात आला आहे.