Buldhana News : बुलढाणा जिल्ह्यात मुलांनी आईला मृत दाखवून तिच्या खात्यातील १० लाख रुपये हडपले. बनावट मृत्युपत्र तयार करून नगरपरिषद कार्यालयाची फसवणूक केली. जिवंत असताना मृत घोषित झाल्याने वृद्ध महिलेला न्याय मिळवण्यासाठी पोलिसांचे उंबरठे झिजवावे लागत आहेत. आरोपीचा शोध सुरू असून पुढील तपास सुरू आहे.
या खोट्या मृत्युपत्राच्या आधारे आरोपी मुलाने आईच्या बँक खात्यातील तब्बल दहा लाख रुपयांची मुदत ठेव FD मोडून रक्कम काढल्याने खळबळ उडाली आहे. या प्रकरणी पोलिसांनी गुन्हा दाखल करून तपास सुरू केला आहे. पोलिसांनी दिलेल्या माहितीनुसार ही घटना 23 नोव्हेंबर रोजी घडली असून यासंदर्भात 15 डिसेंबर रोजीजळगाव जामोदपोलीस ठाण्यात तक्रार दाखल करण्यात आली. फिर्यादी सुनील देविदास निकाळजे (विद्युत अभियंता नगरपरिषद जळगाव जामोद) यांनी दिलेल्या तक्रारीनुसार आरोपी प्रेमसिंग कमल सिंग राजपूत राहणार राजपूत पुरा जळगाव जामोद जिल्हा बुलढाणा यांनी स्वतःच्या आईच्या मृत्यू बाबत खोटे आणि बनावट स्वयंघोषणापत्र तयार करून ते नगरपरिषद कार्यालयात सादर केले. या बनावट कागदपत्राच्या आधारे आरोपीने नगरपरिषद कडून आईचे मृत्युपत्र प्राप्त केले. त्यानंतर बँकेत आईच्या नावाने असलेले सुमारे दहा लाख रुपयाची मुदत ठेव मोडून रक्कम काढल्याचे तक्रारीत नमूद केले आहे.
Buldhana Accident : कोमलsss! सुट्टीवर आलेला जवान पत्नीसह बुलेटवर सासरवाडीला चाललेला; पण, वाटेतच नियतीने साधला डाव, डोळ्यासमोरच… बुलढाण्यात हळहळ
हा प्रकार ओळखायचा संबंधित महिलेच्या पायाखालची वाळू सरकली या प्रकरणी आरोपी विरुद्ध गुन्हा दाखल करण्यात आला असून पोलिसांकडून पुढील तपास सुरू आहे. याप्रकरणी कौशल्याबाई राजपूत यांनीही पोलीस ठाण्यात तक्रार करून संबंधितावर कठोर कारवाईची मागणी केली आहे. तसेच यापूर्वी अनेक वेळा महिलेने नगरपरिषद कार्यालयात जाऊन अधिकाऱ्यांची भेट घेतली असता .आम्ही काही करू शकत नाही असे उडवा उडवीची उत्तर मिळाल्याने हदबल झाल्याची भावना त्या महिलेने बोलून दाखवली.
Buldhana Accident : हायवेवरून गाडी विहिरीत, दाम्पत्य ४८ तास बेपत्ता, गाडीसह बॉडी सापडलेल्या, बुलढाणा अपघातानंतर विहिरीबाबत प्रशासनाचा मोठा निर्णय
आरोपीचा शोध सुरू…
या तक्रारीवरून जळगाव जामोद पोलिसांनी आरोपी विविध गुन्हा दाखल केला आहे सध्या आरोपीचा शोध सुरू असून या प्रकरणाचा तपास पोलीस निरीक्षक नितीन कुमार पाटील यांच्या मार्गदर्शनाखाली पोलीस उपनिरीक्षक नारायण सरकटे करीत आहेत.
न्याय मिळणार तरी कधी आणि कुठे…
ही माहिती मिळताच कौशल्याबाईंच्या पायाखालची जमीनच सरकली. मी जिवंत आहे. हे सिद्ध करण्यासाठी त्या पोलीस ठाण्याचे उंबरठे झिजवत आहेत. दोन महिन्यांपूर्वी तक्रार देऊनही अद्याप कुठलीही कारवाई झालेली नाही. ठाणेदारांनी तक्रारही घेतली नाही, असा थेट आरोप कौशल्याबाईंनी केला आहे. आज या वृद्ध महिलेपाशी जगण्यासाठी काहीच उरलेले नाही. ना पैसे, ना कुटुंबाचा आधार, ना प्रशासनाची साथ नगर परिषदेच्या या निष्काळजीपणाला जबाबदार कोण? दोषी कर्मचाऱ्यांवर कारवाई कधी? आणि जिवंत असतानाही मृत ठरवलेल्या कौशल्याबाईला न्याय मिळणार तरी कधी?
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा