मिळालेल्या माहितीनुसार, 12 डिसेंबर 2025 रोजी सकाळी 10 वाजेच्या सुमारास जालना चिखली महामार्गाने शिरजगाव वाघरुळ येथून बहीण-भाऊ जालना शहरांमध्ये खाजगी कामानिमित्त त्यांच्या मालकीच्या दुचाकीवरून येत होते. गावापासून अवघ्या काही अंतरावरच आल्यावर जामवाडी येथील टोल नाक्यावर भरधाव आयशर ट्रकने त्यांच्या दुचाकीला पाठीमागून जोराची धडक दिली, ही धडक एवढी भीषण होती की शंभर-दीडशे फूट आयशरने दुचाकी फरफटत गेली.
Raigad News : शालेय स्पर्धेत निधी उत्साहाने खेळत होती, अचानक खाली कोसळली आणि… आनंदाचा क्षण दु:खात बुडाला; रायगडमध्ये हळहळ
यावेळी दुचाकीवर असलेली महिला आणि दुचाकी चालक गंभीर जखमी झाले. तर महिलेच्या डोक्याला, गळ्याला जबर मार लागला. बहिणीचा जागीच मृत्यु झाला. तर भाऊ हा गंभीर जखमी अवस्थेत रोडच्या कडेला फेकला गेला. यावेळी तिथे उपस्थित असलेल्या नागरिकांनी तात्काळ अपघातस्थळी धाव घेतली. तिथे पाहणी केली असता महिलेचा जागीच मृत्यू झाल्याचं समोर आलं. तर दुचाकीस्वार आणि चालक पुरुष गंभीर जखमी अवस्थेत होता. यावेळी त्या नागरिकांनी तात्काळ दोघांनाही जिल्हा रुग्णालयात दाखल केलं. रुग्णालयात डॉक्टरांनी महिलेला मृत घोषित केलं, तर पुरुषावर सध्या उपचार सुरू आहेत.
Jalgaon News : साखरपुडा झालेला, महिन्याभरात लग्न… पण नियतीने डाव साधला; सुखी संसाराच्या स्वप्नांचा चुराडा, तरुणीच्या मृत्यूने कुटुंबाला धक्का
यामध्ये दुचाकी क्रमांक MH 21 BZ 55 64 ला आयशर ट्रक क्रमांक MH 28 AB 82 85 या वाहनाने पाठीमागून जोराची धडक दिल्याने दुचाकीवरील ज्योती मच्छिंद्र घायतडक, वय वर्ष 40, राहणार पोखरी तालुका जिल्हा जालना या अपघातामध्ये त्यांच्या डोक्याला जबर मार लागल्याने त्यांचा जागीच मृत्यू झाला. यामध्ये त्यांच्या सोबत त्यांचे भाऊ आनंद रमेश तायडे यांच्या पायाला या अपघातामध्ये जबर मार लागल्याने ते जालना येथील एका खाजगी रुग्णालयात दाखल असून त्यांची प्रकृती सध्या गंभीर आहे. तसंच आनंद यांचा मुलगा प्रियांशला अपघातामध्ये कुठलीही इजा झाली नसल्याची माहिती मिळत आहे.

याठिकाणी मोठा जमाव जमला होता. या अपघाताची माहिती मिळताच तालुका पोलीस स्टेशनचे पोलीस संदीप बेराड, किशोर जाधव हे घटनास्थळी पोहोचून वाहतूक सुरळीत केली. तसंच मृत ज्योती घायतडक यांचे मावस भाऊ संतोष बाळाभाऊ जाधव यांच्या फिर्यादीवरून अपघातास कारणीभूत असणाऱ्या आयशर ट्रक क्रमांक MH 28 AB 8285 त्याचा चालक मोहम्मद शैजाद मोहम्मद जाकीर, वय वर्ष 31, राहणार शमशेरपुरा पिंपळगाव राजा, तालुका खामगाव, जिल्हा बुलढाणा याच्यावर गुन्हा नोंद करण्यात आला आहे. या अपघातामुळे एका हसत्या खेळत्या कुटुंबावर दु:खाचा डोंगर कोसळला आहे.