धुळे-सोलापूर महारामार्गावर मांजरसुबा घाटात आज संध्याकाळी मोठी दुर्घटना घडली आहे. मांजरसुबा घाटात डिझेलचा टँकर पलटी झाला. त्यानंतर त्याचा स्फोट झाल्याची माहिती आहेत.
धुळे-सोलापूर महामार्गावर मांजरसुबा घाटात अचानक टँकर पलटी झाला. यानंतर पाठीमागच्या काही गाड्यांची धडक झाल्याची माहिती समोर येत आहे. या दरम्यान अचानक स्फोट झाल्याची माहिती आहे. टँकर पलटी झाल्यानंतर गाडीतील सर्व डिझेल रस्त्यावर पडलं. त्यानंतर मोठा स्फोट झाला आणि संपूर्ण रस्त्यावर आग भडकली. दरम्यान, या काळात स्थानिक नागरिकांनी टँकरच्या चालक आणि क्लिनरला सुखरुप बाहेर काढलं. त्यामुळे ते सुदैवाने बचावले आहेत.
नेमकं काय घडलं?
आतापर्यंत समोर आलेल्या माहितीनुसार, अपघातग्रस्त टँकर हा मांजरसुंबा घाटातून जात असताना घाटातील अवघड वळणावर चालकाचा गाडीवरील नियंत्रण सुटलं. त्यामुळे हा टँकर पलटी झाला. घाटाचा रस्ता असल्यामुळे हा डिझेलने भरलेला टँकर पलटी झाल्यानंतर काही अंतरापर्यंत घसरत गेला. यामुळे गाडीतील डिझेल रस्त्यावर पडले. या दरम्यान मोठा स्फोट झाला. या स्फोटनंतर रस्त्यावर मोठ्या प्रमाणात डिझेल सांडल्यामुळे आगीचा मोठा भडका उडाला. ही आग 100 ते 200 मीटरपर्यंत पसरली. घटनेनंतर रस्त्यावर आगीचे मोठे लोट बघायला मिळाले.
प्रसाद लाड यांना सभागृहात बोलताना अचानक विजेचा शॉक लागला अन्…, पाहा नेमकं काय घडलं?
या घटनेमुळे परिसरात एकच खळबळ उडाली. या घटनेवेळी पाठीमागून आलेल्या वाहनांची धडक झाल्याची माहिती आहे. दरम्यान, घटनेची माहिती मिळताच स्थानिक नागरीक मदतीसाठी धावले. तसेच पोलीसही घटनास्थळी दाखल झाल्याची माहिती आता समोर येत आहे.PM Modi Cabinet Decision : केंद्रीय मंत्रिमंडळ बैठकीत सर्वात मोठा निर्णय, 2027 मध्ये देशभरात 2 टप्प्यात जनगणना होणार, त्यानंतर…
धुळे-सोलापूर महामार्गावर मोठी वाहतूक कोंडी
या अपघातानंतर धुळे-सोलापूर महामार्गावर मोठी वाहतूक कोंडी निर्माण झाली आहे. वाहनांच्या लांबच लांब रांगा लागल्या आहेत. अनेक किलोमीटरपर्यंत वाहनांच्या रांगा लागल्याने मोठी वाहतूक कोंडी निर्माण झाली आहे. धुळे-सोलापूर महामार्गाच्या मध्यभागातच ही घटना घडली आहे. या दुर्घटनेमुळे परिसरात भीतीचं वातावरण पसरलं आहे. दरम्यान, या अपघातात इतर काही लोकांना इजा पोहोचली आहे का? याबाबतची माहिती अद्याप समजू शकलेली नाही.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा