शिवम असे त्यांचे नाव आहे. छत्रपती संभाजीनगरमधील वैजापूर तालुक्यात त्यांच्यावर चोरीचा गुन्हा दाखल झाला होता. या काळात त्यांचे मानसिक संतुलन बिघडल्याने त्याला २७ ऑक्टोबर २०२१ रोजी येरवडा मनोरुग्णालयात दाखल केले. उपचाराच्या काळात समाजसेवा अधीक्षक रोहिणी भोसले या त्यांच्याशी संवाद साधून माहिती जाणून घेत होत्या. या वेळी त्यांना इर्जिन गावाचे नाव कळाले. ‘गुगल’वरून माहिती काढून त्यांनी स्थानिक पोलिसांशी व्हिडिओ कॉलद्वारे संवाद साधला. त्यानंतर नातेवाइकांशी संपर्क झाला.
Goa Night Club Fire : साखरपुडा रविवारी ठरणार होता, आदल्याच रात्री नियतीने स्वप्नं पुसली, 21 वर्षीय तरुणाचा आगीत मृत्यू
केदारनाथ येथे २०१५ मध्ये झालेल्या अतिवृष्टीमध्ये शिवम वाहून आले होते. नातेवाइक आणि पोलिसांनी प्रयत्न करूनही ते मिळून आले नाहीत. त्यामुळे पोलिसांनी त्यांना मृत घोषित केले होते. त्यानंतर महाराष्ट्रात आल्यावर वैजापूरमध्ये ते एका मंदिरात राहू लागले आणि देवाची सेवा करू लागले. तेथे ते पुजारी झाले. २०१५ मध्ये मंदिरातील काही साहित्याची चोरी झाल्यावर चोरट्यांनी त्यांचे नाव घेतले. त्यामुळे पोलिसांनी त्यांच्यावर गुन्हा दाखल केला.

मागील आठवड्यात शिवम यांना मानसिक आजार आणि गुन्ह्यातून मुक्त करून दहा वर्षांनंतर कुटुंबाच्या स्वाधीन केले, असे रुग्णालयाचे वैद्यकीय अधीक्षक डॉ. श्रीनिवास कोलोड यांनी सांगितले.
Woman Dangles from Balcony : पळ पळ, माझी बायको आली… प्रेयसीशी रोमान्स करताना बायको घरी, तरुणी दहाव्या मजल्याच्या बाल्कनीत लटकली अन्…
चोरीचा आळ घेतल्याचा आघात सहन न झाल्याने त्यांचे मानसिक संतुलन बिघडले. त्या वेळी पोलिसांनी त्यांना येरवडा रुग्णालयात उपचारासाठी दाखल केले; पण येरवडा मनोरुग्णालयातील डॉक्टर आणि समाजसेवा अधिकाऱ्यांच्या चार वर्षांच्या अथक प्रयत्नानंतर शिवम यांना बरे करण्यात आणि त्यांचा पत्ता शोधून काढण्यात यश मिळाले. मंदिरातील चोरी प्रकरणात आपला काही संबंध नसल्याचे त्यांनी समाजसेवा अधीक्षकांना सांगितले होते.