Mahaparinirvan Din 2025 Special Train: सीएसएमटी स्थानकातील गर्दी विभागण्यासाठी पार्सल वाहतूक शनिवारी आणि रविवारी तात्पुरती बंद करण्यात येणार आहे.
छत्रपती शिवाजी महाराज टर्मिनस, लोकमान्य टिळक टर्मिनस आणि दादर स्थानकात प्रवाशांच्या गर्दीचे नियोजन करण्यासाठी मध्य रेल्वेवरील तिन्ही स्थानकांत एकूण ५७० रेल्वे पोलिस आणि ३५० रेल्वे सुरक्षा दलाचे अधिकारी, कर्मचारी तैनात असणार आहेत. अनुयायांच्या गर्दीला मार्गदर्शन आणि सूचना देण्यासाठी १३५ टीसींची नियुक्ती करण्यात आली आहे. पश्चिम रेल्वेच्या दादर रेल्वे स्थानकातील रेल्वे फलाट, पादचारी पूल, प्रवेशद्वार या ठिकाणी रेल्वे पोलिस आणि आरपीएफ यांचे ७०० अधिकारी-कर्मचारी तैनात करण्यात आले आहेत. स्थानक परिसरात १६० सीसीटीव्हींच्या मदतीने देखरेख ठेवण्यात येणार आहे.
Mumbai News: शीव उड्डाणपूल जूनपर्यंत; पावसाळ्याआधी सर्व कामे पूर्ण करण्याचे महापालिकेचे उद्दिष्ट
मध्य रेल्वेवर १२ विशेष लोकल
डॉ. बाबासाहेब आंबेडकर महापरिनिर्वाण दिन निमित्त १२ विशेष लोकल चालवण्याचा निर्णय मध्य रेल्वेने घेतला आहे. शुक्रवार, ५ डिसेंबरच्या मध्यरात्रीनंतर मध्य रेल्वेच्या मुख्य मार्गावर परळ ते कल्याण आणि हार्बर मार्गावर कुर्ला ते वाशी पनवेलदरम्यान विशेष लोकल चालवण्यात येणार आहेत. विशेष लोकलमधून तिकीट घेऊन प्रवास करावा, असे आवाहन मध्य रेल्वेने केले आहे.
मध्य रेल्वे
मुख्य मार्ग (अप)
कुर्ला – परळ – रात्री ११.४५
कल्याण – परळ – मध्यरात्री १
ठाणे – परळ – मध्यरात्री २.१०
मुख्य मार्ग (डाउन)
परळ – ठाणे – मध्यरात्री १.१५
परळ – कल्याण – मध्यरात्रीनंतर २.३०
परळ – कुर्ला – मध्यरात्री ३.०५मुंबई विमानतळावर प्रवाशांची गर्दी, अनेक विमानं रद्द, नेमकं कारण काय?
हार्बर मार्ग (अप)
वाशी – कुर्ला – मध्यरात्री १.३०
पनवेल – कुर्ला – मध्यरात्री १.४०
वाशी – कुर्ला – मध्यरात्री ३.१०
हार्बर मार्ग (डाउन)
कुर्ला – वाशी – मध्यरात्री २.३०
कुर्ला – पनवेल – मध्यरात्री ३.००
कुर्ला – वाशी – पहाटे ४.००
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा