छत्रपती संभाजीनग येथून एक धक्कादायक प्रकार समोर आला आहे. एक व्यक्ती एटीएम मशीनमधून पैसे काढण्यासाठी गेली असता त्या व्यक्तीचं कार्ड मशीनमध्ये अडकलं. यानंतर त्याच्या बँक खात्यातून 43 हजार रुपये लंपास झाल्याची घटना घडली.
संजय जाधव हे एअर इंडिया कंपनीत सिनीअर ऑफीसर म्हणून काम करतात. ते १ डिसेंबर रोजी सकाळी १०.३० वाजेच्या दरम्यान चिकलठाणा भागातील आंबेडकर चौक येथील एसबीआय सेंटरमध्ये पैसे काढण्यासाठी गेले होते. पैसे काढल्यानंतर त्यांचे एटीएम कार्ड हे एटीएम मशीनमध्ये फसले. त्यांनी दहा मिनीट पैसे काढण्याचा प्रयत्न केला. पण एटीएम निघाले नाही. दरम्यान याच एटीएम मशीनमध्ये थांबलेल्या व्यक्तीने मुकुंदवाडी सिग्नल येथून मदत घेऊन येण्याचा सल्ला दिला.
अनंत गर्जेच्या शरीरावर 28 जखमा, पोलिसांनी अनंतच्या जुन्या प्रेयसीचा जबाब नोंदवला
फसवणूक करणाऱ्यानेच दिला मदतीचा सल्ला
दरम्यान, संजय जाधव हे दहा मिनीटापासून एटीएम मशीनमधून पैसे काढण्यासाठी झटत होते. त्यांचं एटीएम कार्ड मशीनमध्ये अडकलं होतं. एटीएम कार्ड काढण्यासाठी संजय जाधव यांनी एटीएममधून पैसेही काढण्याचा प्रयत्न केला. ही प्रक्रिया त्यांच्यामागे उभा असलेला व्यक्ती पाहत होता. त्याने संजय जाधव यांचे एटीएमचे पासवर्डही चोरून बघितले. यानंतर संबंधीत व्यक्तीने संजय जाधव यांना मुकुंदवाडी सिग्नलवर एक एटीएम आहे. तिथे जा जो वॉचमन आहे, त्याला मदतीसाठी घेऊन या, असे सांगून त्यांना एटीएम सेंटर सोडण्यास भाग पाडले.मुक्ताईनगरच्या मतदान केंद्रावर अभूतपूर्व राडा, शिवसेनेच्या कार्यकर्त्याकडून भाजप कार्यकर्त्याला मारहाण झाल्याचा आरोप
अवघ्या काही मिनीटात ४३ हजार गायब
संजय जाधव यांचे एटीएम अडकल्यामुळे ते मदत घेण्यासाठी मुकुंदवाडी सिग्नलकडे जात होते. संजय जाधव यांनी एटीएम सोडून रस्ता क्रॉस केला. तेथून ते मुकुंदवाडी सिग्नलकडे जाणार तेव्हा त्यांना अननोन कॉल आला. तुमच्या खात्यावरून पैसे ट्रान्सफर होत आहे. ते एटीएम सेंटरकडे गेले असता, त्यांना त्यांचा एटीएम कार्ड दिसलं नाही. त्यांच्या खात्यावरून काही मिनीटातच अन्य एटीएम कार्डावरून ४३ हजार रूपये गायब झाल्याचा मॅसेज आला. या प्रकरणात संजय जाधव यांनी एमआयडीसी सिडको पोलीस ठाणे गाठून या प्रकरणात संशयीत व्यक्तीच्या विरेाधात गुन्हा दाखल केला. या प्रकरणाचा तपास पोलीस हवालदार रंणजितसिंग मदनसिंग चव्हाण हे करीत आहेत.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा