अमरावतीहून मुंबईसाठी विशेष गाडी क्रमांक 01218 ही 5 डिसेंबर रोजी सायंकाळी 5.45 वाजता अमरावतीहून निघेल. ही गाडी दुसऱ्या दिवशी पहाटे 5.25 वाजता छत्रपती शिवाजी महाराज टर्मिनस (CSMT) येथे पोहोचेल. परतीची गाडी क्रमांक 01217 ही 7 डिसेंबर रोजी रात्री 12.40 वाजता मुंबईहून निघून दुपारी 12.50 वाजता अमरावतीत दाखल होईल. या दोन्ही गाड्यांना प्रत्येकी 18 कोच असतील.

Ladki Bahin Yojna: नोव्हेंबर हप्त्याची वाट पाहताय? लाडक्या बहिणींना गेल्या वर्षीच्या पॅटर्ननुसार मिळणार 3000 रुपये, वाचा काय आहे अपडेट?

बडनेरा स्थानकावरूनही नागपूर-सीएसएमटी मार्गावरील प्रवाशांसाठी विशेष गाड्यांची सोय करण्यात आली आहे. 4 डिसेंबर रोजी गाडी क्रमांक 01260 नागपूरहून सायंकाळी 6.15 वाजता सुटणार आहे. ही गाडी पुढील दिवशी सकाळी 10.55 वाजता सीएसएमटी येथे पोहोचेल. ही गाडी रात्री 9.40 वाजता बडनेरा स्थानकावर येईल. याच मार्गावर गाडी क्रमांक 01262 नागपूरहून रात्री 11.55 वाजता सुटणार आहे. ही गाडी दुसऱ्या दिवशी दुपारी 3.50 वाजता सीएसएमटी येथे पोहोचेल.

5 डिसेंबर रोजी गाडी क्रमांक 01264 नागपूरहून सकाळी 8 वाजता सुटणार आहे. ही गाडी बडनेरा येथे सकाळी 11.30 वाजता येईल आणि त्याच दिवशी रात्री 11.45 वाजता मुंबईत पोहोचेल. नागपूर-मुंबई मार्गावरील गाडी क्रमांक 01266 सुद्धा सायंकाळी 6.15 वाजता नागपूरहून सुटून बडनेरा येथे सुमारे 9.30 वाजता थांबेल.

सीएसएमटी ते नागपूर अशा चार परतीच्या फेऱ्याही प्रशासनाने नियोजित केल्या आहेत. 6 डिसेंबर रोजी चालवली जाणारी गाडी क्रमांक 01249 सीएसएमटीहून रात्री 8.50 वाजता निघून पुढील दिवशी सकाळी 11.20 वाजता नागपूरला पोहोचेल. 7 डिसेंबर रोजीची गाडी क्रमांक 01251 सकाळी 10.30 वाजता मुंबईहून सुटून रात्री 12.55 वाजता नागपूरला दाखल होईल. ही गाडी रात्री 9.30 च्या सुमारास बडनेराला थांबा देईल. 8 डिसेंबर रोजीची गाडी क्रमांक 01257 रात्री 12.20 वाजता मुंबईहून सुटून त्याच दिवशी दुपारी 4.10 वाजता नागपूरला पोहोचेल. बडनेरा येथे या गाडीचे आगमन दुपारी 12.45 वाजता होईल.

याशिवाय, 7 डिसेंबर रोजी दादर-नागपूर अशी एक विशेष फेरीही देण्यात आली आहे. दादर-नागपूर गाडी क्रमांक 01253 रात्री 12.40 वाजता दादरहून सुटून त्याच दिवशी दुपारी 4.10 वाजता नागपूरला पोहोचेल. बडनेरा येथे या गाडीचा थांबा दुपारी 12.45 वाजता असेल. या सर्व विशेष गाड्यांना 18 कोचची मोठी रचना देण्यात आली आहे. नाशिक रोड, मनमाड, चाळीसगाव, जळगाव, भुसावळ, मलकापूर, जळंब, अकोला, मूर्तिजापूर, बडनेरा, धामणगाव, पुलगाव, वर्धा, सेवाग्राम आणि अजनी अशा महत्त्वाच्या स्थानकांवर या गाड्या थांबतील.

महापरिनिर्वाण दिनानिमित्त लाखो अनुयायांची मुंबईकडे होणारी गर्दी लक्षात घेऊन रेल्वे प्रशासनाने केलेली ही व्यापक तयारी प्रवाशांसाठी मोठा दिलासा देणारी ठरणार आहे. अमरावती, बडनेरा आणि नागपूर येथून मुंबईला जाणारी वाहतूक सुरळीत ठेवण्यासाठी या विशेष गाड्या महत्त्वाची भूमिका निभावतील, असा विश्वास रेल्वे प्रशासनाने व्यक्त केला आहे.

लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा