डॉक्टर गौरीने आपल्या आयुष्याची अखेर केली नसून तिची हत्या करण्यात आल्याचा आरोप कुटुंबीयांनी केला आहे. याप्रकरणी अनंत गर्जे यांच्यावर जीव देण्यासाठी प्रवृत्त केल्याप्रकरणी गुन्हा दाखल करण्यात आला आहे. तर, रविवारी रात्री उशिरा त्याला वरळी पोलिसांनी अटक केली.

गौरी यांनी जीव दिला त्याच्या काही मिनिटांपूर्वीच त्यांचं अनंत गर्जेंसोबत मोठं भांडण झालं होतं. त्यानंतर अनंत गर्जे हे घराबाहेर पडले. ते गाडीने कोस्टल रोडवर असताना ते वारंवार गौरी यांना फोन करत होते. पण, गौरी या फोन घेत नव्हत्या. कुठलीही प्रतिक्रिया मिळत नसल्याने अनंत गर्जे यांना संशय आला आणि त्यांनी गाडी पुन्हा घराकडे वळवली. ते घरी पोहोचले पण गौरी दार उघडत नव्हत्या,
Anant Garje: तिने मला फोन केला, मी पंकजा मुंडेंसोबत रॅलीत होतो; अखेरच्या फोनकॉलवर पत्नी गौरी अनंत गर्जेंना काय म्हणाल्या?
त्यानंतर अनंत हे 31 व्या मजल्यावरुन आपल्या 30 व्या मजल्यावरील घरात खिडकीतून शिरले तेव्हा त्यांना गौरी या गळफास घेतलेल्या दिसल्या. त्यानंतर त्यांना तात्काळ नायर रुग्णालयात नेण्यात आलं. मात्र, तिथे डॉक्टरांनी त्यांना तपासून मृत घोषित केलं.

या प्रकरणी, आज (24 नोव्हेंबर) डॉ. गौरी पालवे यांचं पार्थिव अनंत गर्जे यांच्या मूळगावी मोहोज देवढे येथे नेण्यात आलं. गौरी यांच्या माहेरच्यांनी अनंत गर्जेंच्या घरासमोरच तिच्यावर अंत्यसंस्कार करण्याची मागणी केली. यामुळे गर्जे आणि पालवे कुटुंबात वाद निर्माण झाला. त्यानंतर पाथर्डी पोलिसांनी मध्यस्थी करत प्रकरण हाताळलं, त्यानंतर गर्जेंच्या घरासमोरच गौरी पालवे यांच्यावर अंत्यसंस्कार करण्यात आले.