असाच एक ट्रक माल घेण्यासाठी अकोल्यावरून जालना येथे दिनांक 22 नोव्हेंबर 2025 रोजी सायंकाळी 7 वाजेच्या सुमारास आला. मात्र या ट्रकचालकाची जालना एमआयडीसीमधली ही शेवटची ट्रिप ठरली. शनिवार वेळ सायंकाळी 7 विदर्भातून अकोला – खामगाव- सिंदखेडराजा ते जालना या समृद्धी महामार्गाने मोहम्मद आयुब मोहम्मद मतीन वय 48 वर्ष हे त्यांच्या ताब्यातील मालवाहू ट्रक घेऊन समृद्धी महामार्गाच्या टनलवरून जालना एमआयडीसीमध्ये घुसले, मात्र त्याच ठिकाणी उपस्थित असलेल्या आरटीओच्या चेक पोस्टवरील अधिकाऱ्यांनी त्या ठिकाणी त्यांना थांबवले व कागदपत्रांची विचारपूस करत काय माल आहे? कुठ जाणार? काय घेऊन जाणार? याची विचारपूस करायला सुरुवात केली.

Chhatrapati sambhajinagar: वडिलांची नेहमीची कटकट, एक दिवस सहन झालं नाही; उचललं टोकाचं पाऊल, कोणाला कळू नये म्हणून….

मात्र, त्याचवेळी मोहम्मद मतीन यांना चक्कर आली व ते खाली कोसळले, यावेळी त्यांच्यासोबत त्यांचा 20 वर्षीय मुलगा सुद्धा होता. यावेळी त्या ठिकाणी उपस्थित असलेल्या काही ट्रक चालकांनी व मोहम्मद मतीन यांचा मुलगा व आरटीओ अधिकाऱ्यांनी त्यांना आरटीओच्या गाडीत टाकले व तात्काळ जिल्हा रुग्णालय गाठले. त्या ठिकाणी उपस्थित असलेल्या डॉक्टरांनी त्यांची तपासणी केली असता डॉक्टरांनी त्यांना मृत घोषित केले.

आपले वडील आपल्याला सोडून गेले, आपल्याजवळ ना आई, ना परिवारातले कोणी ही बाब ज्यावेळी त्या मयत ट्रकचालकाच्या मुलाच्या लक्षात आली, त्या मुलाने जिल्हा रुग्णालय परिसरात एकच टाहो फोडला. यावेळी ही बाब संपूर्ण शहरात पसरली व काही चालक-मालक संघटना सुद्धा जिल्हा रुग्णालयात दाखल झाल्या. पोलीस आले व तपास सुरू झाला.

यावेळी ट्रक चालक मोहम्मद मतीन यांच्या मुलाने आरोप केला आहे की, माझ्या वडिलांचा मृत्यू हा आरटीओ अधिकारी व त्यांच्यासोबत असलेल्या काही कर्मचाऱ्यांच्या दमदाटीने झाला आहे. ज्यावेळी आमची गाडी थांबवण्यात आली, त्यावेळी त्या ठिकाणी उपस्थित असलेले आरटीओचे अधिकारी व निरीक्षक भागवत पारिस्कर व त्यांचा सरकारी वाहन चालक नामे पाटील यांच्या दमदाटीमुळे माझ्या वडिलांचा मृत्यू झाला असल्याचा आरोप या मुलाने केला आहे. संबंधित अधिकाऱ्यांवर गुन्हा दाखल करण्याची मागणी सुद्धा या तरुणाने केली आहे. याप्रकरणी मयत ट्रक चालकाच्या मुलाच्या तक्रारीवरून जिल्हा सामान्य रुग्णालयाच्या पोलीस चौकीमध्ये आकस्मित मृत्यूची नोंद करण्यात आली असून मृत्यदेह शवविच्छेदन करण्यासाठी जिल्हा सामान्य रुग्णालयात दाखल करण्यात आला आहे.

मात्र झालेल्या या घटनेमुळे संपूर्ण ट्रक चालक-मालक संघटना आक्रमक झाल्याचे जालन्यात पाहायला मिळाले असून संबंधित आरटीओ अधिकाऱ्यावर गुन्हा दाखल करण्याची मागणी सध्या जोर धरत आहे.