“तुमच्या एकनाथ शिंदेने फक्त 80 जागा लढवून विधानसभेच्या 60 जागा जिंकल्या. त्यामुळे मी आपल्याला एवढंच सांगतोय, आपल्याला खऱ्या अर्थाने या भागाचा विकास हवा असेल तर राजू माछी आणि त्यांच्या टीमला विजयी करायचं आहे. त्यामुळे हे 2 तारखेचं पुण्याचं काम आपण केलं पाहिजे. बाकी तुम्ही एक दिवस मतदानासाठी काढा. मी सर्व कार्यकर्त्यांना सांगतोय, तुम्ही डोळ्यांत तेल घालून काम करा. सगळी कामे बाजूला ठेवा. विकास हे एकच नाव डोळ्यांसमोर ठेवा. तुम्हाला आयुष्यात चांगले दिवस आणायचे असतील तर इथे विकासाशिवाय पर्याय नाही”, असं एकनाथ शिंदे म्हणाले.

“किनारपट्टीलगत असलेल्या मच्छिमारांची घरे नियमाकुल करण्याचा एक प्रश्न आहे. तो देखील निर्णय आम्ही घेणार आहोत. कारण नव्या मुंबईतही आम्ही नियमाकुल करण्याचं काम एकनाथ शिदेने केलं. मी तुम्हाला शब्द देतो, नगर विकास खातं तुमच्या एकनाथ शिंदेकडे आहे. पार्क मंजूर केल्याशिवाय राहणार नाही. 1985 पासून इथे नगर परिषद अस्तित्वात आहे. पण आजतागत नगर परिषद भवन नाही. म्हणजे भाडावर आहे? बाकी लोकांचे बंगले मालकी हक्काचे आहेत. निवडणूक होताच नगर परिषद भवन बांधणार. जिंथून लोकांना न्याय मिळेल ते नगर परिषद भवन दिलं जाईल”, असं आश्वासन एकनाथ शिंदेंनी दिलं.

“अरे लोकांना गार्डन पाहिजे, मुलांना खेळण्यासाठी मैदान पाहिजे. हे देण्याचं काम एकनाथ शिंदे केल्याशिवाय राहणार नाही. झेपीझाडांचं आधुनिकरण केलं जाईल. कारण शिक्षण महत्त्वाचं आहे. प्रत्येक विभागात क्लिनिक सुरु करु. मी मुंबईमध्ये प्रत्येक भागात बाळासाहेब ठाकरे आपला दवाखाना केला आहे. तसे दवाखाने डहाणूत सुद्धा चालू करु. सार्वजनिक विभाग आपल्याच मंत्र्याकडे आहे. प्रकाश आबिटकर यांच्याकडे आहे. त्यांनादेखील मी सूचना देत”, असं एकनाथ शिंदे म्हणाले.

“तरुणांसाठी मल्टिस्पोर्ट ग्राऊंड आवश्यक आहे. तरुणांना जीवनाचा आनंद घेण्याचा अधिकार आहे. म्हणून हाऊसिंग डिपार्टमेंट माझ्याकडे आहे. हाऊसिंगच्या माध्यमातून, गृहनिर्माणच्या माध्यमातून प्रकल्प उभे केल्याशिवाय राहणार नाही असा मी आपल्याला शब्द देतो. प्रदूषणमुक्त उद्यग धोरण राबवून रोजगार निर्मिताला चालना देऊ. उद्योगमंत्री उदय सामंत यांना मी बैठक घेण्याचं बोललो आहे”, असं एकनाथ शिंदे यांनी सांगितलं.

‘आपण सर्वजण एकाधिकारशारही विरोधात एकत्र’

“मी आपल्याला एवढंच सांगतो, डहाणूत आपण सर्वजण एकत्र आलो आहोत. एकाधिकारशाहीच्या विरोधात एकत्र आलेला आहात. अहंकाराच्या विरोधात एकत्र आलेला आहात. रावणाचा अंहकार होता. पण रावणाची लंका अहंकारामुळे जळून खाक झाली. तुम्हाला 2 तारखेला तेच करायचं आहे, असं मोठं वक्तव्य एकनाथ शिंदे यांनी केलं. तुम्हाला भ्रष्टाचार संपवायचा आहे. या ठिकाणी विकासाला आणायचं आहे”, असंदेखील शिंदे म्हणाले.

“जमिनीशी जोडलेला, अतिशय गरीब, मेहनती आणि गरिबांसाठी रात्रं-दिवस उपलब्ध असलेला राजू मी तुम्हाला नगराध्यक्षपदाचा उमेदवार दिलेला आहे. त्यामुळे येत्या 2 तारखेला राजू माछी यांची निशाणी धनुष्यबाण आणि त्यांचे सर्व सहकारी, त्यांचे ज्या ज्या निशाणा आहेत त्या सर्वांवर आपल्याला शिक्का मारायचा आहे”, असं ते म्हणाले.

“मी लाडक्या बहिणींना एकच सांगतो. तुम्ही चमत्कार घडवू शकतात. तुमचा चमत्कार आम्ही विधानसभेला पाहिलेला आहे. विरोधकांनी सर्व स्वप्ने पाहिली होती. पण तुम्ही त्यांचे स्वप्न धुळीस मिळवले. डहाणू तर तुमच्यासाठी सोपं आहे. मला काही व्यापारी भेटले. त्यांनाही डहाणूमध्ये परिवर्तन पाहिजे. हे परिवर्तनाची नांदी डहाणूत सुरु झाली आहे. दोन तारखेला सर्वांनी एक दिवस द्या. राजू माछी आणि त्यांचे सहकारी पाच वर्ष सर्वांची सेवा करतील हा शब्द देतो”, असं म्हणत एकनाथ शिंदे यांनी आपलं भाषण संपवलं.