आरोपी दोन शिफ्टमध्ये काम करायचे, दिवसा ते भारतीय नागरिकांना शेअर मार्केटमध्ये गुंतवणुकीच्या नावाखाली भरती करायचे. रात्रीच्या वेळी अमेरिकन नागरिकांच्या फोनवर मेसेज पाठवून सॉफ्टवेअरच्या समस्यांबद्दल बोलून त्यांचा नंबर हेल्पलाइन नंबर म्हणून देत असतंं. त्यानंतर ते सोडविण्याच्या नावाखाली त्यांच्याकडून पैसे उकळायचे. यात पोलिसांना मिळालेल्या माहितीनुसार जवळपास १२ कोटींची फसवणूक झाल्याची माहिती असून अनेकाना गंडा घालण्यात आल्याचे समोर आले आहे. याबांत पोलिसांनी गाळा मालकालाही ताब्यात घेतले असून त्याचीही चौकशी सुरू आहे.

Parbhani News: गुलीगत धोका! राज्यात सत्ता नसातानाही जिथं कायम कमळाला साथ मिळाली तिथूनचं भाजपची माघार; कार्यकर्त्यांमध्ये प्रचंड असंतोष, ऐनवेळी एबी फॉर्म…

नवी मुंबई परिसरात अनेक कॉल सेंटर असून, यात अनेक कॉल सेंटर अनधिकृत असून त्यांचीही चौकशी सुरू असल्याचे पोलिसांनी सांगितले आहे. याबाबत आता अनेकजण सामील असल्याचेही समोर येत आहे. मात्र काही आरोपींची नावे गुप्त ठेवण्यात आली असून, सामील आरोपींना ताब्यात घेण्याचे काम सुरू आहे. यात कुणा स्थानिक व्यक्तीचा हात आहे का? याबाबतही शंका असून तसा तपास पोलिस करत आहेत.

विशेष म्हणजे यात अनेक तरुण आरोपी असून बेरोजगारीमुळे त्यांनी असे बोगस काम करत असल्याचे प्रथमदर्शनी समोर येत आहे. या सर्व 17 आरोपींना पोलिस कोठडी सुनावण्यात आली असून, त्यांची कसून चौकशी सुरू आहे. तर अशा बोगस कॉल सेंटरमधून कुणाची फसवणूक झाली असेल त्यांनी पोलिसांकडे तत्काळ तक्रार करावी असे आवाहन पोलिसांनी केले आहे.