आशा राजू चव्हाण (वय 35, रा. सराफा गल्ली, जिल्हा परिषद शाळेजवळ, वाळूज) आणि लता राजू परदेशी (वय 47, रा. सराफा गल्ली, वाळूज) असं मृत्यू पावलेल्या महिलांची नावं आहेत. पोलिसांनी दिलेल्या माहितीनुसार, वाळूज भागातील सात महिला रविवारी मध्य प्रदेशात तीर्थयात्रेला गेल्या होत्या. सोमवारी रात्री उशिरा त्या छत्रपती संभाजीनगरला परतल्या. पंचवटी चौकात ट्रॅव्हल्स थांब्यावर उतरल्यानंतर त्या सर्वजणी वाळूजकडे जाण्यासाठी रिक्षा क्र. MH 20 EF 2555 मध्ये बसल्या. त्याचवेळी त्याच ट्रॅव्हल्सची क्र. MP 09 AK 8016 मागची डिक्की पूर्णपणे उघडी राहिली होती. रिक्षा पुढे सरकताच उघड्या डिक्कीतील टोकदार लोखंडी पत्रा रिक्षाच्या छताला जोरदार आदळला. त्याचा जबर धक्का थेट महिलांच्या डोक्याला बसला, आणि घटनास्थळीच प्रचंड रक्तस्राव झाला.

मोठी बातमी! माळेगावात शरद पवार यांच्या राष्ट्रवादीच्या शहराध्यक्षावर प्राणघातक हल्ला, सुप्रिया सुळे संतापल्या

आजूबाजूच्या नागरिकांनी लगेच मदत करून जखमींना सरकारी घाटी रुग्णालयात दाखल केलं. मात्र, वैद्यकीय अधिकाऱ्यांनी तपासणी करून आशा चव्हाण आणि लता परदेशी यांना मृत घोषित केलं. उरलेल्या दोन महिलांवर सध्या खासगी रुग्णालयात उपचार सुरू आहेत. या प्रकरणी छावणी पोलीस ठाण्यात ट्रॅव्हल्स चालकाविरुद्ध गुन्हा दाखल करण्यात आला आहे. अपघाताचं नेमके कारण आणि जबाबदारी निश्चित करण्यासाठी पोलीस पुढील तपास करीत आहेत.

आजीच्या घरुन परतताना चिमुकला हमदान चेंबरमध्ये पडला, माऊलीचा आकांत पाहून गोपी धावून आला; गटारात उडी टाकली अन्…

MH20 कॅफेत तरुणीवर अत्याचार

लग्नाचं आमिष दाखवून एका तरुणीवर कॅफेमध्ये अत्याचार झाल्याचा प्रकार समोर आला आहे. छत्रपती संभाजीनगर येथील अजब नगर भागातील एमएच 20 या कॅफेमध्ये ही घटना घडल्याचे समोर आले आहे. अत्याचाराची घटना ही 24 फेब्रुवारी 2024 रोजी 5 वाजताच्या सुमारास घडली होती. अत्याचार करणाऱ्या व्यक्तीचे नाव भागवत ज्ञानोबा मुलगीर (रा. महातपुरी, ता. गंगाखेड, जि. परभणी) असं आहे.