नेमकं प्रकरण काय?

पहिली घटना 14 नोव्हेंबर रोजी उघडकीस आली. वाल्मीक संजय हयाळींगे (वय 27) यांचा मृतदेह सरकारी दवाखान्यासमोरील तलावात सापडला. 11 नोव्हेंबरच्या रात्री ते त्यांच्या विनोद नावाच्या मित्रासोबत घरातून बाहेर पडले होते. वाल्मीक हरवल्याची नोंद झाल्यावर पोलीस तपास सुरू झाला होता. मात्र, तपास सुरू असतानाच दुसरी घटना समोर आली.Nashik News: बॉम्ब ठेवला आहे; परिसर सील, बॉम्बशोधक पथक, पोलिसांचा फौजफाटा अन् मग… नाशकात दहशत

13 नोव्हेंबर रोजी या तलावाशेजारील हॉटेलमध्ये काम करणारे नारायण रामदास हयाळींगे (वय 52) हे अचानक बेपत्ता झाले. अखेर 16 नोव्हेंबरला त्यांचाही मृतदेह याच तलावात मिळाला. अवघ्या तीन दिवसांच्या अंतरात दोन मृतदेह, तेही एकाच ठिकाणी, यामुळे संपूर्ण गावात संशयाचे वातावरण चांगलेच दाटले आहे.

मित्रावरसुद्धा आरोप

वाल्मीकच्या नातेवाईकांनी गंभीर आरोप केला आहे. त्यांच्या म्हणण्यानुसार, नारायण यांनी वाल्मीकला शेवटचे एका मित्रासोबत पाहिले होते, त्यामुळे नारायण यांच्यावरही घातपाताचा संशय व्यक्त केला जात आहे. अशा दुहेरी संशयास्पद मृत्यूंमुळे पिंपरखेड परिसरात दहशत पसरली आहे.

महामार्गावर रास्ता रोको आंदोलन

या दोन्ही प्रकरणांमध्ये घातपाताचा संशय व्यक्त करत नातेवाईक आणि स्थानिक नागरिकांनी एरंडोल–भडगाव महामार्गावर तब्बल दीड तास रास्ता रोको आंदोलन केले. त्यांनी मारेकऱ्यांना तात्काळ अटक करण्याची आणि दोन्ही मृतदेहांचे शवविच्छेदन इन-कॅमेरा करण्याची मागणी केली. दरम्यान, पोलिसांनी तपासात गती आणत काही संशयितांना ताब्यात घेतले असून, तलाव परिसर तसेच गावात सतत नजर ठेवली जात आहे. मात्र, सलग दोन रहस्यमय मृत्यूंमुळे पिंपरखेडमध्ये भीतीचं सावट अजूनही कायम आहे.