२०१७च्या मुंबई महापालिका निवडणुकीत शिवसेना उबाठातून प्रभाग क्र. १८२ मधून मिलिंद वैद्य, प्रभाग क्र. १९१ मधून विशाखा राऊत, प्रभाग क्र. १९८ मधून स्नेहल आंबेकर, प्रभाग क्र. १९९ मध्ये किशोरी पेडणेकर, प्रभाग क्र. २०२मधून श्रद्धा जाधव निवडून आले होते. या सर्वांनी महापौरपद भूषिवले आहे.

यंदा मिलिंद वैद्य यांचा आधी खुला असलेला प्रभाग ओबीसी झाला आहे. विशाखा राऊत यांचा खुला प्रभाग आता ओबीसी महिला, स्नेहल आंबेकर यांचा अनुसूचित जाती असलेला प्रभाग ओबीसी महिलांसाठी आरक्षित झाला आहे. किशोरी पेडणेकर यांचा आधी खुला असलेला प्रभाग कायम असून श्रद्धा जाधव यांच्या प्रभागातही बदल झालेला नाही. त्यामुळे पाचपैकी तीन माजी महापौरांसमोर निवडणुकीच्या रिंगणात पुन्हा उतरण्यात अडचण आहे.
Tejasvee Ghosalkar : आरक्षण सोडतीत धक्का; ठाकरेसेनेच्या तेजस्वी घोसाळकर म्हणाल्या, हा निर्णय दुःखद, यापुढे मी…

‘माझ्यासमोर तीन पर्याय’

आरक्षण बदलासंदर्भात विशाखा राऊत यांना विचारले असता, ‘आताच सांगणे घाईचे होईल. पक्षश्रेष्ठीच निर्णय घेतील,’ असे त्या म्हणाल्या. तर ‘प्रभाग क्र. १९९, १९६ आणि १९७ हे खुले प्रभाग आरक्षित झाल्याने तो पर्याय आहे. या प्रभागात अनेक इच्छुक असतील. त्यामुळे पक्षश्रेष्ठींशी चर्चा केल्यानंतरच निर्णय होऊ शकतो,’ असे स्नेहल आंबेकर यांनी सांगितले. ‘मी नाराज नाही, माझ्यावर शिवसेना उबाठात अनेक जबाबदाऱ्या आहेत,’ असे त्यांनी सांगितले.
Uddhav Thackeray : निवडणुकीत आपण शिंदेंशी युती करुया, ठाकरेंच्या बड्या नेत्याचा प्रस्ताव, उद्धव प्रचंड चिडले, जे बजावलं होतं..
आंबेकर यांनी पर्याय दिलेल्या प्रभाग क्र.१९९ मधून २०१७ मध्ये शिवसेना उबाठाच्या किशोरी पेडणेकर निवडून आल्या होत्या. क्र.१९६ मध्ये शिवसेना उबाठाचे आशीष चेंबूरकर निवडून आले. हा प्रभाग आता खुला प्रवर्ग महिला म्हणून आरक्षित झाला आहे. प्रभाग क्र. १९७ मधून शिवसेना शिंदे गटाचे दत्ता नरवणकर निवडून आले होते. आधी खुला असलेला हा प्रभाग आता खुला प्रवर्ग महिला म्हणून आरक्षित झाला आहे.