राष्ट्रवादीच्या नेत्या आणि राज्य महिला आयोगाच्या अध्यक्षा रूपाली चाकणकर यांच्यावर फलटण महिला डॉक्टर आत्महत्या प्रकरणावरून रूपाली ठोंबरे यांनी टीका केली होती. चाकणकरांनी पोलिसांची बाजू घेतली होती. चाकणकरांच्या या भूमिकेवरून त्यांच्यावर महिला नेत्यांनी टीका केली होती. यामध्ये अजित दादांच्या पक्षातील रूपाली ठोंबरे यांचाही समावेश होता. महिला आयोगाच्या अध्यक्षांनी राजीनामा द्यावा अशी मागणीसुद्धा ठोंबरेंनी केली होती. हा वाद पुढे वाढला त्यानंतर रूपाली ठोंबरे यांना नोटीस बजावलेली, यावर त्यांना स्पष्टीकरण द्यायला सांगितलं होतं.
Pune News : चाकणकरांवर टीका करणे महागात, रूपाली पाटलांना पक्षाकडून नोटीस, 7 दिवसांची मुदत, नाहीतर…
मी आज पुण्याच्या बाहेर आहे, प्रवासात असल्याने माझा संपर्क होऊ शकला नाही. आज पक्षाने नव्याने प्रवक्त्यांची नेमणूक केली आहे. त्यात माझ्यासह आमदार अमोल भाऊ मिटकरी, वैशालीताई नागवडे यांची नावे नाहीत. आम्ही येऊ घातलेल्या निवडणुकांना सामोरे जाणार सज्ज आहोत. पक्षाचे काम जोमाने करणार आहोत. या यादी बद्दल अजितदादाना कल्पना आहे नाही या विषयी देखील माहिती घेत आहे. लवकरच सविस्तर बोलेल, असं रूपाली ठोंबरे म्हणाल्या आहेत.

दरम्यान, रूपाली ठोंबरे यांनी उपमुख्यमंंत्री अजित पवार यांची भेट घेतली होती. या भेटीनंतर प्रकरण शांत झालं असं वाटत होतं. मात्र आता त्यांची उचलबांगडी झाल्याने रूपाली ठोंबरे काही वेगळा निर्णय घेणार का? अशी चर्चा राजकीय वर्तुळात होत आहे.