बाळाला विष पाजून आईची आत्महत्या

अंकिता उकिरडे या महिलेने स्वतःच्या 14 महिन्यांचा बाळाला विष पाजलं. त्यानंतर स्वतः आत्महत्या केली आहे. या घटनेने सोलापूर जिल्हा हादरला असून परिसरात हळहळ व्यक्त होत आहे. अन्वीक वैभव उकिरडे या 14 महिन्याच्या बाळाला बार्शी येथील खासगी रुग्णालयात प्राथमिक उपचार करून पुढील उपचारासाठी त्याला सोलापूर येथे हलवण्यात आल्याची प्राथमिक माहिती समोर आली आहे. ही घटना शुक्रवार, 7 नोव्हेंबर रोजी सकाळी साडे दहा वाजताच्या सुमारास निदर्शनास आली. या घटनेत विवाहित महिलेचा जागेवरच मृत्यू झाला आहे. तर 14 महिन्याचं बाळ अतिदक्षता विभागात मृत्यूशी झुंज देत आहे.
दुसऱ्यांचं आयुष्य सुरक्षित राहण्यासाठी शेवटच्या श्वासापर्यंत प्रयत्न, पण त्यालाच नियतीनं गाठलं; गणपतीपुळे किनाऱ्यावर हृदयद्रावक घटना

मोलकरीण घरकामासाठी आली, घरात डोकावून पाहिले आणि…

अंकिता हिचं लग्न चार वर्षांपूर्वी वैभव विकास उकिरडे याच्याशी झालं होतं. घटनेच्या वेळी घरातील सर्व लोक कामानिमित्त बाहेर गेले होते. अंकिता घरात चिमुकल्यासह एकटीच होती. नेहमीप्रमाणे घरकामासाठी आलेल्या मोलकरीण महिलेला घरात कोणी दिसलं नाही. तिने खिडकीतून डोकावून पाहिलं असता, अंकिता सिलिंग फॅनला गळफास घेतलेल्या स्थितीत दिसून आली. तर चिमुकला अन्वीक अत्यवस्थ अवस्थेत आढळला.

त्यानंतर मोलकरीण महिलेला शेजारी राहणाऱ्या नातेवाईकांना घटनेची माहिती दिली. त्यांनी घटनास्थळी धाव घेतली आणि बार्शी शहर पोलीस ठाण्यात खबर दिली आहे. पोलिसांनी घटनास्थळी धाव घेऊन पंचनामा केला असून पुढील तपास सुरू आहे.