सज्जाद गरीबशहा इराणी असं या आरोपीचं पूर्ण नाव असून, तो राज्यातील विविध ठिकाणी बनावट पोलीस बनून नागरिकांना लुटत असे. पोलिसांच्या तपासात उघड झालं की, या अट्टल गुन्हेगारावर 100 पेक्षा अधिक गुन्ह्यांची नोंद आहे. एवढेच नव्हे, तर नवी मुंबई परिसरातच त्याने 15 फसवणुकीचे गुन्हे केल्याची कबुली त्याने दिली आहे. सज्जाद इराणी फसवणुकीसाठी पोलीस गणवेश, बनावट ओळखपत्रे, अधिकृत शिक्के आणि कागदपत्रांचा वापर करत असे. तपासाच्या नावाखाली तो लोकांकडून पैसे, दागिने आणि मौल्यवान वस्तू उकळून घेत असे. काही वेळा तो वाहनचालकांना अडवून पोलीस कारवाईचा दिखावा करत, पैशांची उकळपट्टी करत असे.

Beed News: ‘आरोग्य विभागाच्या जाहिराती स्थगित करा, राखीव प्रवर्गावर अन्याय होतोय’, धनंजय मुंडेंचं मुख्यमंत्री फडणवीसांना पत्र

या सराईत गुन्हेगाराचा माग काढण्यासाठी नवी मुंबई गुन्हे शाखेने 25 दिवसांहून अधिक काळ सीसीटीव्ही फुटेज तपासले. शेवटी गोपनीय माहितीदाराच्या मदतीने पोलिसांनी पुण्यातील ठिकाणी छापा टाकून आरोपीला अटक केली. कारवाईदरम्यान पोलिसांनी त्याची पत्नी फिजा सज्जाद इराणी हिला चौकशीसाठी ताब्यात घेतलं आणि तेथे मोठा मुद्देमाल हस्तगत केला. पोलिसांनी सुमारे 1186 ग्रॅम सोन्याचे दागिने, बनावट पोलीस आयडी कार्ड, आधार कार्ड, पॅन कार्ड, तसेच गुन्ह्यात वापरलेली दुचाकी जप्त केली. या सर्व मुद्देमालाची किंमत तब्बल 1 कोटी 25 लाख 10 हजार रुपये इतकी आहे.

Raigad Accident : साईडपट्टीचा अंदाज चुकला, घाटातून जाताना शिवाजी डेरे बाईकसह 100 फुट दरीत कोसळले, डोकं आपटलं अन्…

नवी मुंबई पोलिसांनी सांगितलं की, सज्जाद इराणीच्या अटकेमुळे फसवणुकीच्या अनेक प्रकरणांचा गुंता सुटण्याची शक्यता आहे. पोलिसांनी नागरिकांना इशारा दिला आहे की, ‘कोणतीही व्यक्ती स्वतःला पोलीस असल्याचं सांगत असल्यास तिची खातरजमा करा. खरा पोलीस कधीही तुमच्याकडून पैसे मागणार नाही’, या अटकेमुळे नागरिकांनी सुटकेचा निश्वास सोडला आहे.