नेमकं काय घडलं ?
गुप्ता या अपघातात ट्रॅक्टरचे चाक डोक्यावरून गेल्याने सोनाबाई बाकेराव डेमसे (वय ५६, रा. पाथर्डी) या महिलेचा जागीच मृत्यू झाला. सोनाबाई डेमसे या मुलगी वैशाली संदीप गायधनी (बेद मळा, पळसे) यांच्यासोबत दुचाकीवरून पाथर्डी गाव येथून पळसे येथे चालल्या होत्या. नाशिक-पुणे महामार्गावर गुप्ता हॉस्पिटलसमोर त्यांच्या दुचाकीला भरधाव आयशर ट्रकने कट मारल्याने वैशाली गायधनी यांचे दुचाकीवरील नियंत्रण सुटून तोल गेल्याने दोघीही मायलेकी महामार्गावर पडल्या. त्यांना काही कळण्याच्या आतच पाठीमागून आलेला ट्रॅक्टर सोनाबाई डेमसे यांना चिरडून पुढे गेला. प्रत्यक्षदर्शीच्या माहितीनुसार डोक्यावरूनच ट्रॅक्टरचे चाक गेल्याने या अपघातात गंभीर जखमी झाल्याने सोनाबाई डेमसे यांचा लेक वैशाली गायधनी यांच्यासमोरच करुण अंत झाला.
Nashik News : आईने दिलेली फराळाची पिशवी हरवली, शोधायला मुलाचा 10-12 नव्हे, तब्बल 66 तास प्रवास, स्टेशनला पोहोचला अन्…
या अपघाताच्या ठिकाणी स्थानिक नागरिकांनी धाव घेत जखमींना जवळच्याच खासगी रुग्णालयात दाखल केले. मात्र, अत्यवस्थ सोनाबाई डेमसे यांना तेथून तत्काळ जिल्हा रुग्णालयात हलविण्यास सांगण्यात आले. तेथे डॉक्टरांनी तपासून त्यांना मृत घोषित केले. या अपघाताचे वृत्त समजताच पळसेसह पाथर्डी गावावर शोककळा पसरली. या अपघातात मृत्यू झालेल्या सोनाबाई डेमसे या पाथर्डी सोसायटीचे माजी चेअरमन बाकेराव डेमसे यांच्या पत्नी, तर शिवसेना (ठाकरे गट) उपविभागप्रमुख मदन डेमसे आणि जळकृष्ण डेमसे यांच्या मातोश्री होत. रात्री उशिरापर्यंत अपघाताची नोंद करण्याचे काम पोलिसांत सुरू होतं.
दुर्दैवी! राष्ट्रीय तिरंदाजी खेळाडूचा रेल्वेखाली सापडून मृत्यू; स्पर्धेहून परतताना कोटा येथे अपघात
काळाने रस्त्यातच हिरावला आनंद
आईला दोन दिवस आपल्या घरी नेऊ, तिचे आदरातिथ्य करू या आनंदात घराच्या दिशेने जात असतानाच काळाने आईवर झडप घातल्याने वैशाली गायधनी यांचा आईला घरी नेण्याचा आनंद रस्त्यातच हिरावला. या अपघातात वैशाली आणि त्यांचा मुलगा मात्र सुदैवाने वाचले.