परभणीच्या सोनपेठ तालुक्यातील शिरोळ येथे गोदावरी नदी पत्राच्या बाजूला मोठा दर्गा आहे. या दर्ग्यामध्ये मोठ्या प्रमाणावर कंदुरीचे कार्यक्रम होतात. कालही या दर्ग्यामध्ये कंदुरीचा कार्यक्रम होता. या कंदुरीच्या कार्यक्रमाला परभणीच्या धारूर परिसरातील सोफियान जावेद आणि रौफ खान हे दोन्ही तरुण गेले होते. तेथे गेल्यावर कंदुरी ल वेळ असल्याने गोदावरी नदी पत्रातील पाहून त्यांना नदीपात्रात जाऊन आंघोळ करावी याचा मोह त्यांना आवरता आला नाही. पण दोघांनाही चांगले पोहता येत नव्हते.

Pune Accident : चालकाने विरोधी दिशेने कंटेनर घातला, दुचाकीस्वार पिता-पुत्राचा जागीच करुण अंत; पुणे हळहळलं

असे असतानाही दोघेही गोदावरी नदी पात्रात उतरले आणि पाण्यासोबत खेळू लागले पाण्यासोबत खेळता खेळता ते कधी खोल पाण्यात गेले त्यांनाच कळाले नाही. पाण्याच्या खोलीचा अंदाज न आल्याने दोघेही बुडू लागले आणि त्यांचा पाण्यामध्ये बुडन मृत्यू झाला.

काही वेळ झाला पाण्यामध्ये उतरलेले दोनही तरुण दिसत नसल्याने तेथे असलेल्या नागरिकांनी आरडाओरड सुरू केली तात्काळ पोलीस प्रशासनाला याची माहिती कळवली पोलीस प्रशासन देखील घटनास्थळी दाखल झाले बोटीच्या माध्यमातून बुडालेल्या दोन्ही तरुणांचा शोध घेण्यास सुरुवात केली. बचाव पथक आणि स्थानिक मासेमारांच्या मदतीने या दोन्ही तरुणांचा शोध सुरू करण्यात आला बचाव पथकाला सोफियान या तरुणाचा मृतदेह पाण्यामध्ये सापडला त्याला परभणीच्या रुग्णालयात आणले असता तो मृत असल्याचे घोषित करण्यात आले पण दुसरा तरुण रऊफ खान याचा मात्र शोध अद्यापही सुरू आहे.

रात्र झाल्यामुळे आता शोध कार्य थांबविण्यात आलेला आहे उद्या सोमवारी पुन्हा एकदा शोध कार्य सुरू करण्यात येणार आहे. पण कंदुरी साठी गेलेल्या दोन्ही तरुणांचा पाण्यामध्ये बुडून मृत्यू झाल्याने जिल्हाभरात हळहळ व्यक्त केली जात आहे.