मेट्रो स्टेशनच्या खांबाला आदळले

पुण्यातील कोरेगाव पार्क परिसरात रविवारी (2 नोव्हेंबर) मध्यरात्री बंड गार्डनर मेट्रो स्टेशनखाली झाला हा अपघात झाला आहे. मिळालेल्या माहितीनुसार, एक काळ्या रंगाची पोलो कार ही मेट्रो स्टेशनखालील रस्त्याने पिंपरीच्या दिशेने वेगाने जात होती. त्यावेळी वाहनचालकाचे कार वरील नियंत्रण सुटले, त्यामुळे ती जोरात थेट जाऊन मेट्रो स्टेशनच्या खांबाला आदळली. या धडकेत कारचा चेंदामेंदा झाला असून दोन तरुणांचा जागीच मृत्यू झाला. तर एक तरुण गंभीर जखमी झाला आहे. त्याच्यावर सध्या रुग्णालयात उपचार सुरू आहेत.Pune Gangwar : पुण्यात वनराजच्या बदल्यासाठी आणखी एक विकेट पडणार? जेलमधूनच फिल्डिंग, नावाबद्दल धक्कादायक खुलासा

मद्यधूंदीचा संशय

या दुर्घटनेत यश प्रसाद भंडारी (वय 23, रा. थेरगाव, पिंपरी चिंचवड) ऋत्विक ऊर्फ ओम विनायक भंडारी (वय 23, रा. पिंपरीगाव, पुणे) अशी मृत तरूणांची असून हे दोघे चुलत भाऊ होते. तर या अपघातात गंभीर जखमी झालेल्या तरुणाचे नाव खुशवंत टेकवाणी असे असून त्याच्यावर ससून रुग्णालयात उपचार सुरू आहेत. त्याच बरोबर मृत तरूणांचे मृतदेहही ससून रुग्णालयात पोस्टमार्टमसाठी पाठवण्यात आला असून, वाहन चालक मद्यधूंद अवस्थेत कार चालवत होता का याचा तपास सुरू आहे.

अपघाताचे नेमके कारण अद्याप स्पष्ट झालेले नाही, मात्र प्राथमिक अंदाजानुसार वाहनावरील ताबा सुटल्यामुळे ही दुर्घटना झाल्याची शक्यता पोलिसांनी वर्तवली आहे. त्याचबरोबर, अपघाताचे धक्कादायक सीसीटीव्ही फूटेज समोर आले असून, त्यामध्ये कार भरधाव वेगात खांबाला आदळून कारचा चूरा होताना दिसून येत आहे. दरम्यान, घटनेची माहिती मिळताच बंडगार्डन पोलीस ठाण्याचे पथक घटनास्थळी दाखल झाले असून पुढील तपास सुरू आहे. या घटनेने परिसरात हळहळ व्यक्त होत आहे.