स्वप्न खरं होतं हे दाखवून दिलं इचलकरंजीच्या तन्मय मांडरेकर या तरुणाने. इयत्ता चौथीत वडिलांचं छत्र हरपलं. आईने अंगणवाडी सेविका म्हणून काम केलं. वेळप्रसंगी तन्मयने पेन विकले. प्रचंड मेहनत केली. आज त्याच मेहनतीच्या जोरावर यश संपादीत केलं.
आई आणि आजीच्या कष्टावर उभं राहिलेलं स्वप्न
तन्मयच्या आयुष्याची वाटचाल लहानपणापासूनच संघर्षमय होती. वयाच्या चौथ्या वर्षी वडील अनिल मांडरेकर यांच्या निधनानंतर आई राधिका आणि आजी हौसाबाई यांनी घराचा भार आपल्या खांद्यावर घेतला. घरात उत्पन्नाचं साधन नसताना राधिका यांनी अंगणवाडी सेविकेचं काम स्वीकारून दोन मुलांना शिक्षणासाठी स्वतःला झोकून दिलं. “माझा मुलगा अधिकारी व्हावा, हेच स्वप्न होतं. तेच स्वप्न आता साकार झालं आहे,” असे भावनिक उद्गार त्यांनी व्यक्त केले आहेत.
प्रत्येक वर्गात पहिल्या क्रमांकावर
तन्मयने शिक्षणात नेहमीच अव्वल क्रमांक मिळवत प्रगती केली आहे. दहावीत 98 टक्के गुण मिळवत तन्मय विभागात पहिला आला आणि बारावीनंतर पुण्यातील सीओइपी महाविद्यालयातून सिव्हिल इंजिनिअरिंगची पदवी घेतली. या प्रवासात तो सदैव अभ्यासात गुंतलेला राहिला. 2022 मध्ये त्याने स्पर्धा परीक्षेची तयारी सुरू केली आणि पूर्वतयारीसाठी वृत्तपत्रांचा सखोल अभ्यास हा त्याचा दैनंदिन भाग असायचा. पहिल्याच प्रयत्नात 2023 मध्ये राज्यसेवेच्या गटविकास अधिकारी पदावर तो पात्र ठरला, तर 2024 च्या निकालात राज्यात प्रथम येण्याचं स्वप्न त्यांनं साकार केलं आहे.
बालपणीच कष्टाचे धडे
घर चालविण्यासाठी तन्मयनं दहावीच्या सुट्टीत स्थानकावर पेन विकण्याचंही काम केलं आहे. लहानपणीच जीवनात कठोर परिश्रमाची शिकवण घेतलेला हा तरुण आज संपूर्ण कोल्हापूर विभागासाठी प्रेरणास्थान ठरला आहे. “त्याने नेहमी वाचनाची सवय ठेवली आणि प्रत्येक गोष्टीत शिकण्याची आवड दाखवली,” असा अभिमान त्याचे मामा अभिजीत साळुंखे व्यक्त करतात.
महाराष्ट्राच्या राजकारणात मोठ्या हालचाली घडण्याचे संकेत, उद्याच्या मोर्चानंतर ठाकरे बंधूंची मोठी रणनीती
प्रयत्नांतून यशाकडे वाटचाल
“कोणत्याही गोष्टीत अपयश हे पचवता आलं पाहिजे. अपयशानंतर पुन्हा नव्याने प्रयत्न करुन यश खेचून आणता येते”, अशा भावना व्यक्त करणारा तन्मय सध्या पुण्यातील यशदा संस्थेत गटविकास अधिकारी पदाचं प्रशिक्षण घेत आहे. त्याची बहीण रेवती माने शाहुवाडीत जिल्हा परिषदेत प्राथमिक शिक्षिका म्हणून काम पाहते.
संजय राऊतांच्या प्रकृतीत गंभीर बिघाड, नरेंद्र मोदी यांचं काळजीचं ट्विट, नेमकं काय म्हणाले?
दरम्यान, प्रतिकूल परिस्थितीतून उभे राहून मिळवलेल्या या चमकदार यशामुळे तन्मय मांडरेकरवर इचलकरंजीसह कोल्हापूर जिल्ह्यातून त्याच्यावर कौतुकाचा वर्षाव होत आहे. या यशामागे असलेली आईची जिद्द आणि मुलाची मेहनत भावी पिढ्यांसाठी प्रेरणादायी आणि आदर्श ठरत आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा