काय घडलं नेमकं?
शेख नदीम शेख रफीक (वय २२) असे मृत तरुणाचे तर, सय्यद शाकीर सय्यद नासीर (२८) असे जखमीचे नाव आहे. दोघे खामगाव तालुक्यातील पिंपळगाव राजाचे रहिवासी आहेत. दोघे मित्र आळसणा येथे लग्न समारंभाला गेले होते. गावाजवळच नागपूर-मुंबईला जोडणारा रेल्वे ट्रॅक आहे. दोघेही ट्रॅकवर रील बनविण्याकरिता गेले. धावत्या रेल्वेगाडीसमोर दोघेही रील काढण्यात मग्न झाले. कानामध्ये हेडफोन असल्याने रेल्वेच्या हॉर्नचा आवाज ऐकू आला नाही. शेख नदीम शेख रफीक याला रेल्वेची धडक बसून तो जागीच ठार झाला. तर सय्यद शाकीर याला रेल्वे जवळ आल्याचे समजताच त्याने जीवाच्या आकांताने चारमोरी पुलावरून उडी घेतली. यात तो गंभीर जखमी झाला. त्याच्यावर शेगावातील सईबाई मोटे सामान्य रुग्णालयात उपचार सुरू आहेत.
कोल्हापुरात थरारक धाड, जनावरांच्या गोठ्यात काळा धंदा, 100 ची नोट सेम टू सेम छापायचे, पोलिसांना खबर अन् खेळ खल्लास!
फेसबुक, इन्स्टाग्रामवर रील बनवून अपलोड करण्याचा ट्रेंड वाढला आहे. अनेकदा रेल्वे ट्रॅकवर रील बनविताना, सेल्फी घेताना अपघात घडले. अशा घटना टाळण्यासाठी जीवाची सावधगिरी बाळगायला हवी, असे आवाहन करण्यात आले आहे.

Shiv Sena vs BJP : शिवसेनेच्या ‘आपला दवाखाना’साठी चार वर्षांत 29 कोटी घेतले, पण… भाजप आमदाराच्या आरोपांनी महायुतीला तडे
विद्यार्थ्याचा ट्रेनमधून पडून मृत्यू, आत्महत्येचा संशय
तर दुसऱ्या घटनेत जाधवपूर विद्यापीठातील एका २0 वर्षांच्या बीटेक प्रिंटिंग इंजिनिअरिंगच्या विद्यार्थ्याने, सोहम पात्राने, धावत्या ट्रेनमधून पडून आत्महत्या केली. बुधवारी त्याचा मृतदेह कांसई नदीत तरंगताना आढळला. पोलिसांनी दिलेल्या माहितीनुसार, सोहम आपल्या आईसोबत बँकुरा येथे घरी परतत असताना, त्याची आई वॉशरूममध्ये गेली असता त्याने धावत्या ट्रेनमधून नदीत उडी मारली. सोहमचे वडील दीपक कुमार यांनीही मुलाने आत्महत्या केल्याचा विश्वास व्यक्त केला असून, त्यांनी कोणतीही तक्रार दाखल केलेली नाही. सोहम पात्रा हा हावडा-आद्रा राणी शिरोमणी पॅसेंजरने प्रवास करत होता. सोहमची आई मल्लिका वॉशरूममधून परत आल्यावर त्याला डब्यात न पाहिल्याने तिने सहप्रवाशांना विचारले. सहप्रवाशांनी सांगितले की तो गेटच्या दिशेने गेला होता. डब्यात शोध घेतल्यानंतर तिने रात्री ९ वाजता मिदनापूर स्टेशनवर पोलिसांना माहिती दिली.