धनंजय मुंडे काय म्हणाले?

सातारा जिल्ह्यातील फलटण येथे रुग्णसेवेत असलेल्या व मूळच्या बीड जिल्ह्यातील वडवणी तालुक्यातील महिला डॉक्टर यांच्याबाबत घडलेली घटना अत्यंत दुर्दैवी आहे. माझ्या त्या डॉक्टर भगिनीला भावपूर्ण श्रद्धांजली. तिच्या अकाली निधनाने कुटुंबियांवर कोसळलेल्या दुःखात मी सहभागी आहे. या घटनेतील दोषींना कठोर शासन व्हावे, तसेच ती बीडची आहे म्हणून तिने केलेल्या तक्रारी वरिष्ठांनी डावलल्या असतील तर हे अतिशय गंभीर आहे. या संपूर्ण प्रकरणाची स्वतंत्र एसआयटी नेमून चौकशी करण्यात यावी तसेच हे प्रकरण जलदगती न्यायालयात चालवले जावे व दोषींना कडक शासन व्हावे, याबाबत उद्या राज्याच्या मुख्यमंत्री महोदयांना पत्र देणार आहे’.
Jalna News: जालन्यात प्रसिद्ध उद्योगपतीच्या पुतण्याची गाडी अडवून जीवघेणा हल्ला, सीसीटीव्ही व्हिडिओ व्हायरल

नेमकं प्रकरण काय?

साताऱ्यातील फलटण उपजिल्हा रुग्णालयातील महिला डॉक्टरने जीव दिल्याने एकच खळबळ उडाली आहे. याप्रकरणात आता या महिला डॉक्टरच्या जीव देण्यामागील धक्कादायक कारण पुढे आलं आहे. महिला डॉक्टरने जीव देण्यापूर्वी आपल्या हातावर एक सुसाईड नोट लिहून ठेवली होती. यामध्ये तिने आयुष्याची अखेर करण्याचं कारण आणि त्यासाठी जबाबदार असणाऱ्यांची नावं लिहून ठेवली आहे. त्यामुळे या प्रकरणाला वेगळं वळण आलं आहे.

महिला डॉक्टरने आपल्या आयुष्याची अखेर करण्यापूर्वी लिहिलेल्या सुसाईड नोटमध्ये तिच्यावर अत्याचार आणि मानसिक छळ झाल्याचा आरोप केला आहे. याप्रकरणी तिने दोन पोलिसांचं नावही लिहिलं आहे. माझ्यावर अत्याचार झाला, असा मजकूर या मृत महिला डॉक्टरच्या हातावर लिहिलेला आढळून आला आहे. त्याशिवाय तिच्या हातावर पोलीस निरीक्षक गोपाल बदने यांचं नाव लिहिलेलं आहे.

Pune Crime : विवाहबाह्य प्रेमसंबंधामुळे महिलेला संपवलं, पुरावा लपविण्यासाठी ब्लँकेटमध्ये गुंडाळलं; पण ‘Raviraj’ नावानं प्रकरण उलगडलं

माझ्या मरण्याचं कारण पोलीस निरीक्षक गोपाल बदने असून त्याने माझ्यावर चारवेळा अत्याचार केल्याचं या महिला डॉक्टरने आपल्या हातावर लिहिलं आहे. त्याशिवाय प्रसाद बनकरने मानसिक आणि शारीरिक त्रास दिल्याचंही लिहिलेलं आहे. या धक्कादायक माहितीनंतर आरोग्य विभाग आणि पोलीस विभागात एकच खळबळ माजली आहे.