दिवाळीचं गिफ्ट न दिल्यावरुन दोघांत वाद

या प्रकरणी पोलिस सूत्रांनी दिलेल्या माहितीनुसार, दुर्गापूर येथे सुजित गणवीर याचे पानटपरीचे दुकान आहे. त्याच्याकडे मृतक नितेश ठाकरे हा काही महिन्यांपासून काम करत होता. दिवाळी असल्याने नितेशने मालकाकडून नवीन कपडे किंवा गिफ्टची अपेक्षा केली होती. मात्र, सुजितने गिफ्ट दिले नाही. याचाच राग मनात धरून नितेश त्याला फोनवरून शिवीगाळ करीत होता. या प्रकाराला सुजित वैतागला होता. त्याने नको ते करायचे ठरविले. सुजितने आपल्या मित्रांना सोबत घेत नितेशचा शहरातील लॉ कॉलेज परिसरात नितेशची हत्या केली.
Mumbai Crime: दहा दिवसांपूर्वी ब्रेकअप, भेटायला बोलवून ‘एक्स’वर हल्ला, तरुणाने आयुष्य संपवलं, काळाचौकीत खळबळ

पुरावे नष्ट करण्याचा प्रयत्न केला

केवळ हत्या करून ते थांबले नाहीत. तर आरोपींनी घटनास्थळावरील पुरावे नष्ट करण्याचाही प्रयत्न केल्याचं समोर आलं आहे. या घटनेची माहिती मिळताच रामनगर पोलीस, स्थानिक गुन्हे शाखेच पथक घटनास्थळी दाखल झाले. अवघ्या तासाभरात त्यांनी आरोपींना अटक केली. याप्रकरणाचा अधिक तपास स्थानिक गुन्हे शाखेचे पोलीस निरीक्षक करत असल्याची माहिती आहे.

चित्रपट बघायला बोलावलं आणि मग संपवलं

त्यांच्यातील वाद टोकावर गेला होता. सुजितच्या मनात नितेशविरुद्ध कमालीचा राग होता. त्याने त्याची हत्या करण्याचे ठरविले होते. हत्येसाठी त्याने ऑनलाइन चाकू बोलाविला. नितेशला चित्रपट बघू असे सांगून त्याला बोलाविले. आपल्या मित्रांसह नितेशला बाहेर घेऊन गेला. शहरातील लॉ कॉलेजच्या मागील हुकूम परिसरात निर्जनस्थळी घेऊन आरोपींनी नितेशला बेदम मारहाण केली. या मारहाणीत त्याचा जागीच मृत्यू झाला.