लालबाग काळाचौकी परिसरात सकाळच्या सुमारास ही धक्कादायक घटना घडली आहे. या तरुणाने तरुणीला रस्त्यात बेदम मारहाण केली, त्यानंतर तिच्यावर चाकूने हल्ला केला. त्यानंतर ही तरुणी स्वतःचा बचाव करण्यासाठी जवळ असलेल्या आस्था नर्सिग होममध्ये शिरली. तरुणाने नर्सिंग होममध्ये घुसून तिच्यावर जीवघेणा हल्ला केला आणि नंतर स्वतःचा गळा चिरला. या घटनेनंतर या दोघांना तात्काळ केईएम रुग्णालयात पाठविण्यात आले आहे. काळाचौकी पोलिस आणि उपायुक्त घटनास्थळी पोहोचले असून प्रकरणाची माहिती घेत आहे. या प्रकरणात हल्ला झालेल्या तरुणीची प्रकृती चिंताजनक असल्याचं पोलिसांनी सांगितलं आहे.
Satara News: माझ्यावर चार वेळा अत्याचार, मानसिक त्रास; हातावर दोन पोलिसांचं नाव लिहून महिला डॉक्टरने जीव दिला, सातारा हादरलं
आंबेवाडी येथे राहणारा सोनू बराय (24) याचे याच परिसरात राहणाऱ्या पीडित तरूणीसोबत प्रेमसंबंध होते. आठ दिवसांपूर्वी प्रेयसीचे अन्य कुणासोबत अफेयर असल्याचा संशयावरून दोघांमध्ये ब्रेकअप झाले होते. तेव्हापासून सोनू मानसिक तणावात होता. शुक्रवारी सकाळी त्याने पीडित तरुणीला भेटायला बोलावलं. त्यानंतर त्याने तिला मारहाण केली आणि मग तिच्यावर चाकूने वार केले. त्यानंतर स्वतःचा गळा चिरून घेतला. सोनू याचा मृत्यू झाला असून तरूणीवर जे जे रुग्णालयात उपचार सुरू असल्याची माहीती पोलिस उपायुक्त आर. रागसुधा यांनी दिली. ज्या आस्था नर्सिग होममध्ये हे सारं घडलं ते रक्ताने माखलं होतं. सगळीकडे फक्त रक्त दिसत होतं. या घटनेने परिसरात एकच खळबळ माजली आहे.

पोलिस सूत्रांनुसार, सुमारे 8-10 दिवसांपूर्वी या दोघांचं ब्रेकअप झाले होते. त्यानंतर सोनू हा पीडित तरुणीशी समेट करण्याचा प्रयत्न करत होता. जेव्हा तिने नकार दिला तेव्हा त्याने स्थानिक नर्सिंग होमजवळ तिच्यावर हल्ला केला. गंभीर जखमी झालेल्या तरुणीला स्थानिकांच्या मदतीने टॅक्सीने तात्काळ रुग्णालयात नेण्यात आले. प्रत्यक्षदर्शींनी सांगितले की, वर्दळीच्या रस्त्यावर हा हल्ला झाल्याने घटनास्थळी घबराट पसरली.घटनेची माहिती मिळताच काळाचौकी पोलीस घटनास्थळी पोहोचले आणि त्यांनी या प्रकरणाचा पुढील तपास सुरू केला आहे.