Mumbai Juhu Luxury Flat : घराचे क्षेत्रफळ 3139 चौरस फूट असून 411 चौरस फुटांची टेरेसही आहे, तर अपार्टमेंटसोबत तीन गाड्यांसाठी पार्किंगची जागा देखील मिळते.
जुहूत आलिशान फ्लॅट
निखिल नंदा यांनी जुहूमध्ये घेतलेल्या या नवीन अपार्टमेंटची किंमत २८.३९ कोटी रुपये आहे. या व्यवहारात १.७० कोटी रुपयांचे मुद्रांक शुल्क (stamp duty) भरण्यात आले. हा व्यवहार निखिल नंदा यांची बहीण नताशा नंदा यांनी पॉवर ऑफ अटर्नी (Power of Attorney) वापरुन केला. घराचे क्षेत्रफळ ३१३९ चौरस फूट असून ४११ चौरस फुटांची टेरेस देखील आहे. त्यामुळे एकूण जागा सुमारे ३५५० चौरस फूट होते. या अपार्टमेंटसोबत तीन गाड्यांसाठी पार्किंगची जागा देखील मिळते.
कोण आहेत निखिल नंदा?
निखिल नंदा हे एस्कॉर्ट्स कुबोटा लिमिटेडचे चेअरमन आणि मॅनेजिंग डायरेक्टर आहेत. यापूर्वी ते दिल्लीत राहत होते, पण त्यांचा मुलगा अगत्स्य आणि मुलगी नव्यनवेली नंदा हे मनोरंजन विश्वात सक्रिय होत असल्यामुळे आता मुंबईत जास्त वेळ घालवत आहेत. यासाठी त्यांनी जुहूत नवे घर विकत घेतल्याचं बोललं जात आहे. अगत्स्यने नुकतंच ‘द आर्चीज’ या चित्रपटातून बॉलिवूडमध्ये पदार्पण केले आहे.
Navi Mumbai Fire : दिवाळीतच अंधार पसरला, नवी मुंबईतील आगीत त्रिकोणी कुटुंबाचा करुण अंत, सहा वर्षांच्या वेदिकाला…
निखिल नंदा हे अमिताभ बच्चनचे जावई, अभिषेक बच्चन-ऐश्वर्या राय यांचे मेहुणे, तर श्वेता नंदा यांचे पती. याशिवाय त्यांची दुसरी ओळखही आहे. निखिल नंदा हे दिवंगत अभिनेत्री आणि निर्मात्या रीतू नंदा आणि राजन नंदा यांचे पुत्र आहेत. रीतू नंदा या महान अभिनेते, दिग्दर्शक आणि निर्माते राज कपूर यांच्या कन्या होत्या. त्यामुळे निखिल नंदा हे कपूर कुटुंबाचे देखील सदस्य आहेत. निखिल आणि श्वेता यांना अगत्स्य नंदा आणि नव्यानवेली नंदा अशी दोन मुले आहेत. पूर्वी हे कुटुंब दिल्लीत राहत होते. मात्र, आता अगत्स्य आणि नव्या दोघेही त्यांच्या कामामुळे मुंबईत जास्त दिसतात.Ladki Bahin : भाऊबीजेच्या तोंडावर लाडक्या बहिणींना खुशखबर, महायुती सरकारचा मोठा निर्णय, 1500 चा हप्ता तर मिळणारच आणि…
अगस्त्य नंदा बॉलिवूडच्या वाटेवर
अगत्स्य नंदाने झोया अख्तर दिग्दर्शित ‘द आर्चीज’ या चित्रपटातून अभिनयात पदार्पण केले आहे. या चित्रपटाच्या प्रमोशनसाठी तो ‘कौन बनेगा करोडपती’ या कार्यक्रमात झोया अख्तर आणि सुहाना खान यांसारख्या सहकलाकारांसोबत दिसला होता. त्यावेळी झोया अख्तरने बिग बींच्या जुहू येथील ‘प्रतीक्षा’ बंगल्यातील तिच्या बालपणीच्या आठवणी सांगितल्या होत्या. तिने सांगितले होते की तिथे एक म्युझिक रूम होती. त्यावर बिग बींनी सांगितले की, “आता ती म्युझिक रूम अगत्स्यची खोली बनवली आहे.” अगत्स्य नंदा लवकरच श्रीराम राघवन दिग्दर्शित ‘इक्कीस’ या चित्रपटात दिसणार आहे. या चित्रपटात धर्मेंद्र देखील आहेत.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा