पीडित महिला डोळ्यांनी अधू असून तिला संजय गांधी निराधार योजनेअंतर्गत दरमहा अनुदान मिळायचे. मात्र डिसेंबर २०२४पासून अनुदान थांबले होते. ते परत मिळावे यासाठी अनेक ठिकाणी चौकशी केली. त्याचदरम्यान तिने ऑगस्ट २०२५ मध्ये खालापूर तहसील कार्यालयातील संबंधित विभागातही चौकशी केली. तेव्हा संबंधित कारकुनाने तिला दोन ठिकाणांहून लाभ घेता येत नाही, अशी चुकीची माहिती दिली. या प्रकारामुळे त्यानंतर महिला शिक्षणासाठी दुसऱ्या जिल्ह्यात गेली.
मुलाची ओळख दाखवत सेवानिवृत्त शिक्षकाला दिवसाढवळ्या चोरट्यांनी लुबाडलं, धक्कादायक घटनेनं खळबळ
पाठपुरावा करत असताना १७ ऑक्टोबर २०२५ रोजी ती पुन्हा कागदपत्रांसाठी याच कार्यालयात पोहोचली असता, कारकुनाने तिला विनाकारण संध्याकाळपर्यंत थांबवले. एवढेच नव्हे तर नंतर कार्यालयाजवळील टी-स्टॉलवर चहा प्यायला बोलावून, “मिठी मार” असे विकृत आदेश दिले. यावेळी त्याने या दिव्यांग महिलेच्या पायाला पाय लावला, गुडघ्याला स्पर्श केला आणि तिच्यावर बळजबरी करणयाचा प्रयत्न केला. तो हे अश्लील वर्तन करत इतक्यावरच न थांबता, १९ ऑक्टोबर रोजी खोपोली येथे भेटायला बोलावले. कारकुनाने तिला खंडाळा येथे फिरायला चल असेही म्हटले आहे. या घटनेमुळे नागरिकांमधून संताप व्यक्त केला जात आहे.

दरम्यान, या प्रकरणी खालापूर पोलीस ठाण्यात गुन्हा दाखल असून IPC कलम ७५(२), ७५(३), ७९ तसेच अनुसूचित जाती-जमाती कायद्यानुसार कलम ३(१)(w)(i), ३(१)(w)(ii), ३(२)(v-a) अंतर्गत गुन्हा नोंदवण्यात आला आहे. प्रकरणाचा पुढील तपास उपविभागीय पोलिस अधिकारी विशाल नेहुल करत आहेत.