नेमकं प्रकरण काय?
पोलीसांनी दिलेल्या माहितीनुसार, महाड तालुक्यातील एका गावात एका अल्पवयीन मुलीवर वारंवार अत्याचार करून तिचा लैंगिक छळ केला गेला होता. पीडित मुलगी ही सध्या 17 वर्षांची असून, ही घटना 2021-2022 च्या दरम्यान झाल्याचे समजले आहे. त्यावेळी दोन व्यक्तींनी मुलीसोबत जबरदस्ती शारीरिक संबंध ठेवून तिच्यावर लैंगिक अत्याचार केल्याचा आरोप आहे. आरोपीने पीडित मुलीला तिच्या कुटुंबियांना जिवे मारण्याची धमकी दिली होती. जर त्यांच्या म्हणणे ऐकले नाही तर कु़टुंबियांच्या जीवावर बेतू शकतं अशी धमकी देत, दोघांनी मुलीचा लैंगिक छळ केला. 17 ऑक्टोबर 2025 ला पीडितेने हिम्मत दाखवून अखेर आरोपींविरूद्ध रायगड पोलीस ठाण्यात गुन्हा दाखल केला.

Murud Crime : ‘माझ्याशी बोलली नाहीस तर…’; अल्पवयीन मुलगी त्रासली, शेवटी ज्याची भीती होती तेच घडलं, मुरूड हादरलं
या तक्रारीनुसार, दोन आरोपींविरोधात महाड एमआयडीसी पोलीस ठाण्यात भारतीय दंड संहिता व POCSO कायद्यानुसार गुन्हा दाखल करण्यात आला आहे. पोलीस सूत्रांनी दिलेल्या माहितीनुसार, आरोपींनी पीडितेला तिच्या कुटुंबीयांच्या जिवाची धमकी देत वारंवार अत्याचार केल्याची माहिती पोलीस तपासातून समोर आली आहे.

Raigad Crime : ‘मी करते तुझ्या प्रपोजचा विचार, आधी मला…’; अलिबागमध्ये तरुणीवरील हातोडी हल्ला प्रकरणात मोठी अपडेट, 3 तास त्याने…
या प्रकरणी BNS कलम 376(1), 376(2)(n), 376(3), 452 तसेच POCSO कायद्याच्या कलम 4 आणि 8 अंतर्गत गुन्हा नोंदवण्यात आला आहे. त्यानंतर प्रकरण वर्ग होऊन महाड एमआयडीसी पोलीस ठाण्यात गुन्हा दाखल झाला. या प्रकरणाचा तपास पोसई व्ही. बी. फडतरे हे करत असून, पोलिसांनी आरोपींचा शोध सुरू केला आहे.या घटनेमुळे परिसरात खळबळ उडाली असून, अल्पवयीन मुलींच्या सुरक्षिततेबाबत पुन्हा एकदा चिंता व्यक्त केली