यंदाही दिवाळीपूर्वीच पनवेलकरांचा फराळ भारताच्या प्रत्येक सीमेवर पोहचविण्याचा प्रयत्न परिषदेच्या माध्यमातून केला आहे. सैनिकांना फराळ दिवाळीत मिळावा, हा उद्देश ठेवून यंदाही जुलैपासून तयारी सुरू केली होती. १५ हजार सैनिकांना प्रत्येकी ९०० ग्रॅम फराळ पाठविण्याचे नियोजन केले होते. एका सैनिकासाठी एका बॉक्समध्ये ४ लाडू, ४ चकली, शेव, शंकरपाळे, चिवडा प्रत्येकी १२५ ग्रॅम असा ९०० ग्रॅम वजनाचे पंधरा हजार बॉक्स तयार करण्यात आले.
दुचाकीवरील ताबा सुटला आणि एका मागोमाग एक… पाम बीच रोडवर मध्यरात्री भीषण अपघात; दोन जण गंभीर जखमी
प्रत्यक्ष आर्थिक मदत करू न शकणाऱ्या व्यक्तींना फराळाचे बॉक्स पॅकिंग करून श्रमदान करण्याचे आवाहन केले होते. अनेक तरुणांनी या उपक्रमात भाग घेतला. लोकसहभागातून राबविण्यात आलेल्या उपक्रमासाठी यंदा तब्बल ४० लाखांचा खर्च झाला. यंदाचे उद्दीष्ट पूर्ण झाल्यामुळे १५ दिवस आधीच देणगी स्वीकारणे बंद केल्याचे परिषदेचे अध्यक्ष सुबोध भिडे यांनी सांगितले.

१२ हजार शुभेच्छापत्रे
फराळाच्या बॉक्समध्ये यंदा शालेय विद्याथ्यांनी सैनिकांना दिवाळी शुभेच्छा देण्यासाठी काढलेली शुभेच्छापत्रे पाठविण्यात आली आहेत. परिषदेच्या पनवेल शाखेने राज्यभरातील अनेक शाळांना आवाहन करून शुभेच्छापत्रे मागिवली जातात. ही शुभेच्छापत्रे फराळासोबत पाठवली जातात.
दिवाळीच्या सुट्टीत फिरायला जाताय? जरा सांभाळून, ट्रॅव्हल पॅकेजसाठी सावधगिरी आवश्यक; जाहिरातींना भुलू नका
फराळ पोहचल्यानंतर अनेकांचे मेसेज येतात, फोन येतात. जवानांची आठवण ठेवल्याबद्दल अनेक जण आभार मानतात. सीमेवरील महाराष्ट्रातला सैनिक अभिमानाने सांगतो, माझ्या महाराष्ट्रातून फराळ आला आहे. त्यावेळी या उपक्रमाचे सार्थक झाल्याचे वाटते. -सुबोध भावे, अध्यक्ष भारत विकास परिषद, पनवेल शाखा