हिंगोली विधानसभा मतदारसंघाचे तीन वेळा आमदार राहिलेले ज्येष्ठ नेते….भाऊराव पाटील गोरेगावकर हे शिवसेना शिंदे गटामध्ये प्रवेश करणार आहेत.14 ऑक्टोबर रोजी मुंबईत होणाऱ्या विशेष कार्यक्रमात उपमुख्यमंत्री एकनाथ शिंदे…आणि हिंगोलीचे आमदार संतोष बांगर यांच्या उपस्थितीत ते पक्षप्रवेश करणार आहेत. भाऊराव पाटील हे अनेक दशकांपासून काँग्रेस पक्षाशी जोडले गेले होते. त्यांच्या सोबत शेकडो कार्यकर्ते देखील शिंदे गटात प्रवेश करणार असल्याने…हिंगोलीतील राजकारणात मोठी खळबळ उडण्याची शक्यता आहे.गोरेगावकरांच्या प्रवेशाने मराठवाड्यातील ग्रामीण शिवसेनेला नवसंजीवनी मिळू शकते.तसेच काँग्रेसच्या पारंपरिक मतदारवर्गावरही याचा परिणाम होण्याची शक्यता आहे.