मंगळवारी सकाळच्या सुमारास भाग्यश्री ट्युशनवरुन घरी परतत असताना एका खाजगी बसने तिला जोरदार धडक दिली. धडक इतकी प्रचंड जोरदार होती की ती काही अंतरावर फेकली गेली आणि तिच्या डोक्याला गंभीर दुखापत होऊन तिचा जागीच मृत्यू झाला. अपघातानंतर बसचालक घटनास्थळावरून फरार झाला, मात्र वाठोडा पोलिसांनी तत्काळ कारवाई करत बस जप्त केली आणि चालकाला अटक केली आहे. त्याच्यावर सदोष मनुष्यवधाचा गुन्हा दाखल करण्यात आला असून पुढील कारवाई सुरू आहे.
Nagpur Crime : चॉकलेटचं आमिष देऊन चिमुकलीला पाचव्या मजल्यावर नेलं, घरातील पाणी संपलं म्हणून महिला वर गेल्या तर…
अपघातानंतर परिसरातील नागरिकांनी रस्ता रोको आंदोलन केले. त्यांचे म्हणणे आहे की, खरबी चौकात वाहतुकीचा प्रचंड ताण असूनही येथे योग्य पादचारी सुविधा नाहीत. रस्त्यावरील अतिक्रमणामुळे मार्ग अरुंद झाला आहे, त्यामुळे या ठिकाणी वारंवार अपघात घडतात. स्थानिकांनी अनेकदा प्रशासनाकडे तक्रारी करूनही त्याकडे दुर्लक्ष केल्याचा आरोप नागरिकांनी केला आहे. नागरिकांचे म्हणणे आहे की, या रस्त्यावरून मोठ्या खाजगी बसेस आणि ट्रक वारंवार ओव्हरलोड होऊन धावत असतात. त्यामुळे स्थानिकांना नेहमीच भीतीच्या सावटाखाली रहावे लागते. त्यांनी वाहतुकीवर नियंत्रण ठेवण्यासाठी ट्रॅफिक सिग्नल, स्पीड ब्रेकर आणि पोलिस बंदोबस्त वाढवण्याची मागणी केली आहे.
Nagpur Crime : शेतात काम करण्यासाठी निघाले, सायंकाळी पुन्हा परतलेच नाही, कुटुंबाने शोध घेतला तर…; धक्कादायक दृश्य समोर
दरम्यान, पोलिसांनी मृतदेहाचा पंचनामा करून मृतदेह शवविच्छेदनासाठी पाठवले आहे. तपास सीसीटीव्ही फूटेजच्या आधारे सुरू आहे. या घटनेमुळे पुन्हा एकदा नागपूर शहरातील रस्ते सुरक्षेचा प्रश्न ऐरणीवर आला आहे. वाहतूक नियमांचे उल्लंघन, बेपर्वा वाहनचालक आणि अतिक्रमण हे मृत्यूंचे प्रमुख कारण बनत असल्याचे स्पष्ट झाले आहे. नागरिकांनी प्रशासनाने तातडीने उपाययोजना करून अशा दुर्घटना टाळण्यासाठी ठोस पावले उचलावीत, अशी मागणी केली आहे.