ही कारवाई सुरक्षा धोके आणि आगीच्या संभाव्य घटनांना आळा घालण्यासाठी करण्यात आली आहे. अलीकडच्या काही वर्षांत सणाच्या काळात या हवाई उपकरणांचा मोठ्या प्रमाणात वापर वाढला असून, त्यामुळे अपघात, आग आणि सार्वजनिक गोंधळ निर्माण होण्याच्या घटना घडल्या आहेत. पोलिसांनी या पार्श्वभूमीवर खबरदारीचा उपाय म्हणून हा निर्णय घेतल्याचे स्पष्ट केले आहे.

राज्यातील 147 नगर पंचायती आणि 247 नगरपरिषदांच्या नगराध्यक्षांसाठी आरक्षण सोडत जाहीर, कोणत्या प्रवर्गासाठी राखीव, एका क्लिवर A टू Z माहिती
पोलीस आयुक्तालयाने दिलेल्या माहितीनुसार, समाजविरोधी घटक या उपकरणांचा वापर VVIP व्यक्तींविरुद्ध किंवा गर्दीच्या ठिकाणी गोंधळ निर्माण करण्यासाठी करू शकतात, अशी शक्यता नाकारता येत नाही. त्यामुळे ही बंदी अत्यावश्यक असल्याचे पोलिसांनी म्हटले आहे.

बंदीचे दोन टप्पे:

• ड्रोन, रिमोट-कंट्रोल मायक्रोलाइट विमान, पॅराग्लायडर, पॅरामोटर, हँड ग्लायडर आणि हॉट एअर बलून यांच्यावर पूर्ण बंदी ७ ऑक्टोबर ते ५ नोव्हेंबर २०२५ दरम्यान लागू राहील.
• उड्डाण करणाऱ्या आकाशकंदीलांच्या विक्री, साठवण आणि वापरावर बंदी १२ ऑक्टोबर ते १० नोव्हेंबर २०२५ या ३० दिवसांसाठी असेल.

परवानगी फक्त पोलिसांना

या आदेशातून एकमेव अपवाद म्हणजे मुंबई पोलिसांकडून हवाई निरीक्षणासाठी वापरले जाणारे ड्रोन किंवा पोलीस उपायुक्त (ऑपरेशन्स) यांची स्पष्ट लिखित परवानगी असलेली उड्डाणे. इतर कोणालाही अशा उपकरणांचा वापर करण्यास मनाई असेल.

नियमभंग करणाऱ्यांवर कडक कारवाई

मुंबई पोलिसांनी इशारा दिला आहे की या आदेशाचे उल्लंघन करणाऱ्या कोणत्याही व्यक्तीवर भारतीय न्याय संहिता कलम 223 अंतर्गत कठोर कारवाई केली जाईल. पोलिस प्रशासनाने नागरिकांना आवाहन केले आहे की, सणाच्या आनंदात सुरक्षिततेकडे दुर्लक्ष करू नये, आणि जोखीमयुक्त प्रथा टाळून शांततापूर्ण दिवाळी साजरी करावी. मुंबईसारख्या महानगरात वाढत्या गर्दी आणि संवेदनशील वातावरण लक्षात घेता, हा निर्णय नागरिकांच्या सुरक्षिततेसाठी अत्यंत महत्त्वाचा ठरणार असल्याचे प्रशासनाने नमूद केले आहे.