याबाबत स्थानिकांनी दिलेल्या माहितीनुसार, महेश बारवकर हे मारुती इको कारने (क्र. एमएच 42 बीजे 0397) मोरगावकडून सुप्याकडे येत होते. यावेळी समोरून येणाऱ्या 14 चाकी ट्रकशी (क्र. यु.पी. 76 टी 0696) त्यांच्या कारची समोरासमोर धडक झाली. या अपघातात महेश यांच्या उजव्या हाताला आणि पायाला गंभीर दुखापत झाली, तसेच मोठ्या प्रमाणात रक्तस्त्राव झाला. त्यांना तातडीने बारामती येथील खासगी रुग्णालयात दाखल करण्यात आलं, मात्र उपचारादरम्यान त्यांचा मृत्यू झाला.

Gautami Pati Car Accident : ‘गौतमी पाटीलवर अपघात प्रकरणी कारवाई करणं शक्य नाही’, कारण…; पुणे पोलीस उपायुक्तांनी सांगितली आतली माहिती

महेश यांच्या पश्चात पत्नी आणि दोन लहान मुले असा परिवार आहे. ते सुपे परिसरात स्वयंपाकाच्या कामात निपुण होते. त्यांच्या अचानक निधनानं परिसरात हळहळ व्यक्त होत आहे. या घटनेनंतर सुपे पोलिस ठाण्यात उशिरापर्यंत गुन्हा नोंदवण्याचं काम सुरू होतं. पोलिसांनी ट्रकचालकाविरुद्ध गुन्हा दाखल करून तपास सुरू केला आहे. या अपघातानं रस्ता सुरक्षेचा प्रश्न पुन्हा एकदा ऐरणीवर आला आहे.

पुण्यात ऐन दसऱ्याला पित्याच्या मांडीतच अमेयने जीव सोडला

लिफ्टमध्ये अडकून 11 वर्षीय अमेय साहेबराव फडतरे या बालकाचा गुरुवारी सायंकाळी मृत्यू झाल्याचा दुर्दैवी प्रकार समोर आला. पिंपरी-चिंचवड येथील चोविसावाडीतील रामस्मृती हाउसिंग सोसायटीत ही दुर्घटना घडली. जीव वाचवण्यासाठी झगडलेला अमेय ऐन दसऱ्याच्या दिवशीच वडिलांच्या मांडीवरच प्राण सोडून गेल्याने परिसरात शोक व्यक्त होत आहे.

बीडमध्ये ‘अजब प्रेमाची, गजब कहाणी’; आधी अत्याचाराचे आरोप, नंतर त्याच API सोबत कारमध्ये गुलूगुलू; नवऱ्यानं रंगेहाथ पकडलं अन्…

अमेय गुरुवारी दुपारी चौथ्या मजल्यावरून तळ मजल्यावर जाण्यासाठी लिफ्टमध्ये शिरला. मात्र, लिफ्ट काही अंतर खाली गेल्यावर अचानक थांबली. दोन मजल्यांमध्ये अडकलेल्या अवस्थेत तो बाहेर पडण्याचा प्रयत्न करत असतानाच लिफ्ट पुन्हा सुरु झाली आणि हा दुर्दैवी अपघात घडला.