नृत्यांगना गौतमी पाटील हिच्या अडचणी वाढवणारी बातमी समोर येत आहे. अपघातग्रस्त रिक्षा चालकाच्या नातेवाईकांनी गौतमी पाटील हिला अटक करण्याची मागणी केली आहे. त्यामुळे या प्रकरणात आता ट्विस्ट येताना दिसत आहे.
पुण्यातील वडगाव बुद्रुक परिसरात मंगळवारी पहाटे अपघाताची घटना घडली होती. या प्रकरणी पुणे पोलिसांनी गौतमी पाटील हिच्या गाडी चालकाला अटक केली होती. दरम्यान, ज्या वाहनाने रिक्षाला धडक दिली ते वाहन गौतमी पाटीलच्या नावाने असल्यामुळे सिंहगड रोड पोलिसांनी तिला नोटीस पाठवली आहे. या अपघात प्रकरणी चौकशीसाठी हजर राहावे असे या नोटीसमध्ये बजावण्यात आले असल्याची माहिती पोलिसांनी दिली.
सामाजी विठ्ठल मरगळे असे जखमी झालेल्या रिक्षा चालकाचे नाव आहे. अपघातानंतर कारचालक फरार झाला होता. मात्र सीसीटीव्ही फुटेज तपासून पोलिसांनी 30 वर्षीय वाहन चालकाला अटक केली आहे. पुण्यातील सिंहगड पोलीस स्टेशन समोर शिवसेना ठाकरे गटाच्या कार्यकर्त्यांनी गौतमी पाटील विरोधात आंदोलन केलं. गौतमी पाटीलचे राज्यातील शो बंद करण्यासाठी उद्धव ठाकरेंच्या शिवसैनिकांनी सिंहगड पोलीस ठाण्यासमोर ठिय्या आंदोलन केलं.
या अपघातातील जखमी ऑटो रिक्षा चालकावर रुग्णालयात उपचार सुरू आहेत. रिक्षा चालकावर अतिदक्षता विभागात उपचार सुरू आहेत. पोलिसांनी गौतमीला चौकशीसाठी 30 सप्टेंबरला बोलावल्याची माहिती होती. पण ती चौकशीसाठी न येता शो करत महाराष्ट्रात फिरत असल्याने ठाकरे गटाची शिवसेना आक्रमक झाली. ठाकरे गटाच्या कार्यकर्त्यांनी ठिय्या आंदोलन केलं. यानंतर आता पोलिसांनी पुन्हा नोटीस पाठवल्याची माहिती समोर येत आहे.
‘गौतमीला अटक करा’, पीडित कुटुंबियांची मागणी
दुसरीकडे अपघातग्रस्त रिक्षा चालकाच्या कुटुंबियांनी गौतमी पाटील हिला अटक करण्याची मागणी केली आहे. तसेच या अपघाताचं सीसीटीव्ही फुटेज द्या, अशी मागणी रिक्षा चालकाच्या कुटुंबियांनी केली आहे. “ती गाडी जिथून स्टार्ट झाली तिथून ती कुठे थांबली. गाडीत कोण होतं, कोण कुठे उतरलं, याचे रेकॉर्ड्स आमच्यापर्यंत यावेत. आम्हाला हे पाहायचं आहे. आम्हाला पूर्णपणे संशय आहे की, गाडीचा चालक बदलला गेला आहे. गाडी मालक गौतमी पाटीलला आतापर्यंत का अटक झाली नाही? आपलं प्रशासन का एवढं थंड आहे?”, असे सवाल रिक्षा चालकाच्या नातेवाईकांनी केला आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा