काकानेच पुतणीचे लचके तोडले

नवरात्रौत्सवात देवीची पूजाअर्चा केली जाते. पण याच नवरात्रौत्सवात काकानेच पुतणीचे लचके तोडले आहेत. याप्रकरणी पीडितेच्या आईने सोनगीर पोलिस ठाण्यात तक्रार दाखल केली. तक्रारीत नमूद केलं की, ‘सायंकाळच्या सुमारास एक दुधवाला आला असता, सासू दुध घेण्यासाठी गेल्या, तेव्हा माझी तीन वर्षांची मुलगी देखील गेली होती. थोड्यावेळानंतर सासुबाई घरात आल्या तेव्हा त्यांनी मुलीबाबत विचारल्यानंतर त्यांनी सांगितलं की, ती चुलत काका मयूर माळी आला होता, तो तिला खेळविण्यासाठी त्याच्या घरी घेऊन गेला होता. थोड्यावेळानंतर ती घरी आली रात्री झोपण्याची तयारी करताना लहान पीडिता मुलगी रडू लागली होती. तेव्हा काय झालं? असं विचारलं. तेव्हा तिचं गुप्तांग दुखू लागलं होतं. लहान मुलीने रडत घडलेला सर्व प्रकार सांगितला.
शेतकऱ्याला महिन्याला 10 हजार पगार, संपूर्ण कर्जमाफी ते 70 हजार हेक्टरी भरपाई, जरांगेंच्या सरकारकडे 8 मोठ्या मागण्या

आतून कडी लावली अन्…

शेजारीच राहणाऱ्या नराधम चुलत काकाने त्याच्या घरी नेलं आणि आतून कडी लावली. बाहेर एक बाबा आला आहे असं त्यानं तिला सांगितलं. त्यानंतर तिच्यावर जबरदस्ती केली. त्यानंतर चिमुकलीनं घडलेला हा सर्व प्रकार सांगितला. हे संपूर्ण प्रकरण ऐकून कुटुंबाच्या पायाखालची जमीनच सरकली. त्यानंतर पीडितेची आई पोलिस ठाण्यात गेली आणि तिथे तक्रार नोंदवली.

तीन मुलांना मागे सोडून शेतकऱ्याचा टोकाचा निर्णय, कुटुंबावर शोककळा; हृदयद्रावक घटनेने धाराशिवमध्ये हळहळ

सोनगीरात अवघ्या तीन वर्षीय चिमुरडीवर चुलत काकाने बलात्कार केल्याची घटना घडल्यानंतर सर्वत्र संताप उसळला आहे. आज संतप्त सोनगीर ग्रामस्थांनी पोलिस ठाण्यावर मूक मोर्चा काढून नराधम काकाला फाशीची शिक्षा देण्याची जोरदार मागणी केली. या मोर्चात सोनगीर ग्रामस्थांसह जिल्हाभरातील राजकीय पक्षांचे पदाधिकारी, प्रतिष्ठीत मान्यवर मोठ्या संख्येने सहभागी झाले होते. हा मोर्चा सोनगीर पोलीस ठाण्यावर धडकल्यानंतर पी.आय. तुषार देवरे यांना निवेदन देण्यात आले.