संतोष माटलवार हा देगलूर तालुक्यातील शेळगाव येथील रहिवासी आहे. गावातील एका मुलीचा पाठलाग करून तिची छेड काढायचा असा आरोपी भाावाला संशय होता. यावरून महिन्याभरापूर्वी मुलीच्या भावाने संतोष माटलवारच्या घरी जाऊन शिवीगाळ करत तंबी दिली. शिवाय समजूत देखील काढण्यात आली. दरम्यान, काल रविवारी रात्री 9 वाजेच्या सुमारास गावातील ग्रामपंचायत जवळील ओट्यावर संतोष हा मित्रासोबत गप्पा मारत बसला होता. यादरम्यान आरोपी हा तिथे आला आणि संतोषला ‘तू माझ्या बहिणीची पुन्हा छेड का काढलीस? अशी विचारणा केली. यावरून दोघात वाद झाला. त्यानंतर कमरेच्या पट्ट्यातील चाकू काढून आरोपीने संतोष माटलवार याच्या उजव्या कानाच्या खाली गळ्यावर व पाठीमध्ये धारदार चाकूने वार करून गंभीर जखमी केलं. या चाकूच्या हल्ल्यात संतोष हा रक्तबंबाळ झाला. तात्काळ मित्रांनी संतोष माटलवार यास उपजिल्हा ग्रामीण रुग्णालय देगलूर येथे दाखल केले, मात्र तपासाअंती डॉक्टरांनी मृत घोषित केले.

Dombivli News : गाढ झोपेत असताना पुतणीला अन् मावशीला सर्पदंश, 4 वर्षीय चिमुकली प्राणगीचा करुण अंत

घटनेनंतर मारेकरी हा एका शेतातील आखाड्यावरून फरार होण्याच्या बेतात होता, याची माहिती मिळताच उपविभागीय पोलिस अधिकारी संकेत गोसावी यांच्या सूचनेनुसार पोलिस उपनिरीक्षक नरहरी फड, पोलिस उपनिरीक्षक गोपाळ सूर्यवंशी, जमादार कणकवळे, विशाल भाऊ आटकुरे, रणजीत मुदीराज, वानरे यांनी काही तासातच मारेकऱ्यास ताब्यात घेतलं. याप्रकरणी मयताचा भाऊ अर्जुन माटलवार यांच्या फिर्यादीवरून विधीसंघर्षग्रस्त बालक याच्याविरुद्ध येथील पोलिस ठाण्यात कलम 103(1) बीएनएसप्रमाणे गुन्हा दाखल करण्यात आला आहे. पुढील तपास पोलिस उपनिरीक्षक नरहरी फड करीत आहेत.