आरोपी स्वतःहून पोलिसात हजर

मिळालेल्या माहितीनुसार, गेल्या काही दिवसांपासून काजल आणि तिचा पती त्यांच्यामध्ये वाद सुरू होते. अनेकदा हे वाद पोलीस ठाण्यापर्यंत देखील पोहोचले होते. काहीच दिवसापूर्वी पोलिसांनी समजूत काढत वाद मिटवण्याचा प्रयत्न केला. परंतु हा वाद काही मिटला नाही. काजल तिच्या माहेरी मलकापूर या ठिकाणी गेल्या काही दिवसापांसून वास्तव्यास होती. तर दुसरीकडे, पती प्रशांत हा अनेकदा तिची समजूत काढण्याचा प्रयत्न करत होता. काल प्रशांत याने काजलला मलकापूर या ठिकाणावरून समजूत काढून घरी घेऊन आला. मात्र सकाळच्या वेळेस कोमल झोपेत असतानाच त्याने धारदार शस्त्राने वार करत तिचा खून केला.

प्रेयसीला बर्थडे गिफ्ट देण्यासाठी सांगलीतील तरुणाचं भयंकर कृत्य; मित्रासोबत मिळून…

काजलचा खून केल्यानंतर प्रशांत याने घराला बाहेरून कडी लावत थेट सांगली शहर पोलीस ठाणे गाठले आणि घडलेल्या घटनेची माहिती दिली. ही माहिती मिळताच पोलीस घटनास्थळी दाखल झाले. पोलिसांनी मृतदेहाचा पंचनामा करून काजल हिचा मृतदेह सांगली सिव्हिल रुग्णालयात पाठवण्यात आला आहे. महिलेचा खून झाल्याची बातमी वाऱ्यासारखी शांतीनगर परिसरामध्ये पसरली आणि बघ्यांची एकच गर्दी झाली होती.

दरम्यान, पोलीस उपअधीक्षक यांनी घटनास्थळाची पाहणी करून तपासाच्या सूचना दिल्या आहेत. याप्रकरणी अधिक तपास सांगली शहर पोलीस करत आहेत.