सरपंच संतोष देशमुख हत्या प्रकरणात प्रमुख आरोपी वाल्मीक कराड जो सध्या बीड येथील कारागृहात आहे. याच वाल्मीक कराडसोबत यश ढाका याचे फोटो सध्या सोशल मीडियावर व्हायरल होत आहे. या फोटोसोबत, “मैं अपने आप को पुलीस के हवाले कर रहा हुं, अपने पैसे, अपने दबदबे, अपने बल से, मैं तो छूट जाऊंगा.. लेकीन तेरा क्या होगा मेरे दोस्त.. तेरा क्या होगा?” हा डायलॉग शेअर करण्यात आला आहे. ही पोस्ट सध्या सोशल मीडियावर खूप व्हायरल होत आहे. या प्रकरणाचा आणि यशच्या हत्येचा काही संबंध आहे की नाही, याबाबत सध्या कुठलीही अधिकृत माहिती नाही.

बीड येथे गुरुवारी (25 सप्टेंबर) रात्रीच्या सुमारास माने कॉम्प्लेक्स परिसरात यश देवेंद्रसिंग ढाका (22) याची त्याच्यात मित्राने हत्या केली. याप्रकरणी पोलिसांनी आरोपी मित्र सूरज काटेला अटक केली आहे. यश हा बीडचे स्थानिक पत्रकार देवेंद्रसिंग सुरजसिंग ढाका यांचा मुलगा होता.
Beed Crime: वडिलांचा अखेरचा कॉल, रात्री यश रस्त्यात रक्तबंबाळ, जवळ घेऊन विचारलं पण… पत्रकाराच्या मुलासोबत काय घडलं?
जुन्या वैमनस्यातून ही घटना घडल्याची माहिती आहे. गेल्या महिन्यात यश आणि सूरज यांच्यात वाद झाला होता. मित्राचा वाढदिवस साजरा करायला गेले असताना हा वाद झाल्याची माहिती आहे. यामुळे त्या दोघांत कटुता आली असल्याचे बोलले जात आहे. हाच वाद मिटविण्यासाठी यशने सूरजला भेटायला बोलावलं होतं. मात्र, तिथे या दोघांमध्ये पुन्हा वाद झाला आणि सूरजने थेट यशच्या छातीत वार केले. ज्यामध्ये यशचा जागीच मृत्यू झाला. सध्या पोलीस या प्रकरणातील फरार आरोपींना शोधण्याचा प्रयत्न करत आहेत.