पुरंदर तालुक्यातील कुंभारवळण, एखतपूर, पारगाव, मुंजवडी, खानवडी, उदाची वाडी आणि वनपुरी या सात गावांमध्ये विमानतळ उभारण्यात येणार आहे. त्या दृष्टीने जिल्हा प्रशासनाने शेतकऱ्यांचे समुपदेशन करून जमीन देण्यास संमती घेण्यास २५ ऑगस्टपासून सुरुवात केली आहे. १८ सप्टेंबरपर्यंत दिलेल्या मुदतीत सुमारे ९० टक्के शेतकऱ्यांनी संमती दिली आहे. मुदत संपुष्टात आल्यानंतर काही शेतकऱ्यांसह सरंपचांनी मुदतवाढीची मागणी केली होती. त्यानुसार, जिल्हाधिकारी जितेंद्र डुडी यांनी २५ सप्टेंबरपर्यंत मुदतवाढ दिली. मुदतवाढ दिल्याने आणखी शेतकरी संमती देण्यास पुढे येत आहेत. गेल्या महिनाभरापासून भूसंपादन उपविभागीय समन्वयक, अधिकाऱ्यांनी सासवड येथे तळ ठोकूनच संमती घेण्याची प्रक्रिया सुरू केली. त्यामुळे संमती मिळण्याच्या प्रक्रियेला गती मिळू लागली आहे.
Pune News : पुरंदर विमानतळाबाबत मोठी अपडेट, सरपंचांच्या ‘त्या’ मागणीला यश, जिल्हाधिकाऱ्यांचा मोठा निर्णय, नेमका काय?
विमानतळासाठी सुमारे तीन हजार एकर जमीन घेण्याचे नियोजन आहे. २,७०० एकरपेक्षा अधिक जमीन देण्यास शेतकऱ्यांनी संमती दिली आहे. त्यामुळे विमानतळ प्रकल्पास १०० टक्के शेतकरी संमती देत आहेत. तालुक्यातील सातही गावांत सरकारच्या मालकीची सुमारे दोनशे एकर जमीन आहे. त्यामुळे सुमारे २,९०० एकरपेक्षा अधिक जमीन उपलब्ध होणार असल्याचे दिसत आहे.
Pune Purandar Airport : पुरंदर विमानतळ साडेसात नाही, तर 3 हजार एकरातच होणार, सरकारवर निर्णय बदलण्याची वेळ; शेती, घरे, झाडे… कोणत्या गोष्टींचा मिळणार मोबदला?
‘पुरंदर विमानतळासाठी जमीन देण्यास शेतकऱ्यांची संमती ६६मिळत असून, आतापर्यंत ९४ टक्के संमती देण्यात आली. संमतीनंतर शुक्रवारपासून मोजणीची प्रक्रिया सुरू करू. त्यानंतर शेतकऱ्यांच्या जमिनीची दर निश्चिती करून सरकारकडे वाटाघाटी परताव्याबाबत प्रस्ताव पाठविणार आहे. त्यानंतर संमती दिलेल्या जमिनीचे संपादन प्रक्रिया सुरू करण्यात येईल, असं पुण्याचे जिल्हाधिकारी जितेंद्र डुडी यांनी म्हटलं आहे.