सविस्तर माहिती अशी की, रायगड जिल्ह्यातील खालापूर तालुक्यात राहणारी पीडित तरुणी हिला पनवेल तालुक्यातील तक्का येथे राहणारा 19 वर्षीय तरुणाने पीडित तरुणीसोबत दीड वर्षापूर्वी ओळख वाढवली. त्यानंतर तिच्यावर प्रेम असल्याचे सांगून तिला प्रेमाच्या जाळ्यात ओढून घेतले. मैत्रीचे रूपांतर प्रेमात झाल्यानंतर आरोपी तरुणाने वारंवार शारीरिक संबंधाची मागणी केली. पिडितेने लग्न करण्याची अट घातली. आरोपीने पीडित तरुणी हिच्या सोबत प्रेमाचा बनाव करीत तिच्याशी वारंवार शरीर संबंध प्रस्थापित केले.
Raigad Crime : नौदल अधिकारी सुरजसिंह यांचा मृतदेह अखेर सापडला, आठ दिवसांपासून होते बेपत्ता; पोलिसांना वेगळाच संशय
पनवेल शहरातील तक्का येथील आरोपी याने त्याचे वय १९ वर्षे असतांनादेखील ते वाढवुन २२ वर्षे सांगुन पीडितेसोबत सोबत कायदेशीर विवाह न करता विवाह संस्कार श्री समर्थ विवाह मंगल केंद्र कर्जत या ठिकाणी करून घेतल्याचा आरोप पीडितेन केला. त्यानंतर आरोपीने तिला नांदण्यास न नेता तिला माहेरीच ठेवून तिच्याशी शी तिथे संमतीशिवाय वारंवार शारिरीक संबंध प्रस्थापित केले. पीडित तरुणी आणि आरोपी यांच्यातील झालेल्या शारीरिक संबंधामुळे पिडित तरुणी ही गर्भवती राहिली. पीडित तरुणी ही गर्भवती असल्याच माहिती आरोपी याला देत ती त्याला आरोपी यांच्या घरी नेण्यास सांगत असता त्याने उडवाउडवीची उत्तरे देत वेळ मारून नेत होता. मात्र आरोपी याने पीडित तरुणीला गर्भपाताच्या गोळ्या देवून मनाविरुद्ध गर्भपात घडवून आणला. याबाबत रसायनी पोलीस ठाणे येथे पीडितेने तक्रार दिली असून गुन्हा दाखल करण्यात आला आहे. अधिक तपास महिला पोलीस उपनिरीक्षक ढोणे करीत आहेत