गुणरत्न सदावर्ते यांनी मनोज जरांगे पाटील यांना ओपन चॅलेंज दिलं आहे. सदावर्ते आज जालना जिल्ह्यात आले असताना त्यांना मराठा आंदोलकांनी काळे झेंडे दाखवले. तसेच काहींनी त्यांची गाडी अडवण्याचा प्रयत्न केला. या घटनेवर बोलताना सदावर्तेंनी जरांगेंना चॅलेंज दिलं.
“काही महत्त्वाची गोष्ट करायला निघाल्यानंतर काही समाजकंटक, अतिरेकी विचाराचे लोक, जरांगेचे दलाल अडथळे आणतात. ज्यांना संविधानच माहित नसतं, नालायक विचाराचे लोक असे भ्याड हल्ले करतात. हे दिवस काँग्रेसचे दिवस नाहीत. अशा जरांगेंच्या दलालांच्या पोलिसांनी मुसक्या आवळल्या आहेत. आंदोलन करायचं, रेतीचे उपसे उचलायचे, त्याच्यापैकी गुणरत्न, जयश्री पाटील नाहीत. त्या गुलगुल्यांना सांगायचंय गुणरत्न रॉयल आहे”, असं गुणरत्न सदावर्ते म्हणाले.
“जातीत जन्मला म्हणून कुणी रॉयल होत नाही राजेश टोपे. शिक्षणाने रॉयल होणं असतं. मी खानदानी रॉयल आहे. जरांगे बघ माझा जोडा पण लंडनहून आणला आहे. माझी गाडी कुणाकडे नसेल त्या रॉयल गाडीत फिरतोय. मराठा मागासच ठरत नाही हे सुनवायला जालन्याला आलो. जरांगे तुला सांगून चाललो. लकरच गाठ अंतरवाली सराटीत आहे”, असं चॅलेंज सदावर्तेंनी दिलं.
“तू तर सासुरवाडीवासी आहेस. मुली नांदायला पाठवतात. मात्र हा नांदायला सासरवाडीत आला. या पुढे जशास तसं उत्तर देणार. जरांगेंचं दोन समाजाच तेढ निर्माण करणारं सत्र आहे. मुख्यमंत्र्यांना जरांगे हाणूनपाडून बोलला. मग शरद पवारांना झळ का नाही लागली? पडळकर बोलले तेव्हा तुमचा फोन कसा उचलला? मकरंद तू कलाकार आहे. ठिक आहे. गावकी काय आहे रे? गावकी म्हणू नको संविधान म्हण. आरेला कारे उत्तर दिलं जाईल”, असा इशारा गुणरत्न सदावर्ते यांनी दिला.
“सुप्रिया ताई वोट धनगर के चाहिए, सबके चाहिए, इसलिए राजनितीक बाते करती हैं. राजेश टोपे यांनी उदार अंत:करणाने सांगावे जरांगेच्या आंदोलनात किती टक्के सहभागी आहेत. जरांगे नावाचं जे आर्टिकल आहे तेव्हढंच बोलण्यापूरता आहे का राजेश टोपे?”, असा सवाल सदावर्ते यांनी केला.
“शासन निर्णय काहीच देवू शकत नाही. तिळपापड आहे. ही खालून लागलेली आग आहे. माझ्या मराठ्यांची जरांगे यांनी फसवणूक केलेली आहे. जरांगे राज्य का तुझ्या बापाचं आहे का? तू तर स्वत: सासुरवाडीवासी आहेस”, अशी टीका गुणरत्न सदावर्ते यांनी केली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा