त्यानंतर नातेवाइकांनी त्यांचा शोध सुरू केला. कार लाहोरी हॉटेलसमोर उभी आढळली. कारची तपासणी केली असता त्यात साजन हे मृतावस्थेत आढळले. नातेवाइकांनी त्यांना लगेच नागपुरातील खासगी हॉस्पिटलमध्ये दाखल केले. डॉक्टरांनी तपासून त्यांना मृत घोषित केलं. हृदयविकाराच्या धक्क्क्याने त्यांचा मृत्यू झाला असावा, अशी शक्यता वर्तविण्यात येत आहे. मात्र, त्यांच्या मानेवर व पायावर जखमा असल्यानं संशय व्यक्त करण्यात येत आहे.

Beed News : संतापजनक! शिक्षणाधिकाऱ्याचे अल्पवयीन मुलीसोबत दुष्कृत्य, नराधमाविरोधात गुन्हा दाखल

मैत्रिणीसाठी वाद, युवकाची हत्या

समाजमाध्यमावरून मैत्रिणीला मेसेज केल्याने संतप्त युवकाने साथीदारांच्या मदातीने चाकूने वार करून करणसिंग रमेश महिया वय ३१ रा. वाघोडा याचा खून केला. ही थरारक घटना सावनेर पोलिस ठाण्याच्या हद्दीतील बोरुजवाडा येथे घडली. याप्रकरणी पोलिसांनी खुनाचा गुन्हा दाखल करून चार मारेकऱ्यांना अटक केली. सूत्रधार जितेंद्र उर्फ जितू राकेश रावत वय २७ रा. माळेगाव, अंकित पदम पात्रे वय २४ रा. पाटणसावंगी, अनिकेत विनोद वानखेडे वय २६ रा. बोरूजवाडा व अंश दीपक कांबळे वय २१ रा. आंगेवाडा,अशी अटकेतील मारेकऱ्यांची नावे आहेत.

पोलिसांकडून प्राप्त माहितीनुसार, रामरतन राजकुमार गौतम वय २४ रा. न्यू बजाज कॉलनी,वाघोडा हा जितेंद्रच्या मैत्रिणीला इन्स्टाग्रामवर मेसेज पाठवयाचा. याबाबत जितेंद्रला माहिती मिळाली. शुक्रवारी जितेंद्रने रामरतन याला माळेगाव परिसरात गाठले. मैत्रिणीला मेसेज का करतो,अशी विचारणा करीत त्याच्यासोबत वाद घातला. अन्य युवकांनी वाद मिटवला. त्यानंतर रात्री रामरतन याने प्रकरण मिटविण्यासाठी जितेंद्रच्या मोबाइलवर संपर्क साधून त्याला बोरुजवाडा दुर्गा मंदिरासमोर भेटायला बोलाविले. रामरतन , करणसिंग व त्याचे मित्र तेथे गेले. काही वेळाने जितेंद्र व त्याचे तीन साथीदार तेथे आले. येथे जितेंद्र व रामरतनचा वाद झाला. रामरतनने जितेंद्रच्या कानशिलात लगावली. त्यामुळे जितेंद्र व त्याचे साथीदार संतापले. त्यांनी रामरतन, करणसिंगल मारहाण करायला सुरूवात केली.

Beed News : बीडच्या मस्साजोगमध्ये हृदयद्रावक घटना, कंत्राटी कर्मचाऱ्याचा करुण अंत; अमोलसोबत नेमकं काय घडलं?

अंकित याने करणसिंगच्या पोटावर व छातीवर चाकूने वार केला. यात करणसिंगचा मृत्यू झाला. मारेकरी पसार झाले. घटनेची माहिती मिळताच सावनेर व स्थानिक गुन्हेशाखा पोलिसांचा ताफा तेथे पोहोचला. पोलिसांनी खुनाचा गुन्हा दाखल करून अवघ्या चार तासांत मारेकऱ्यांना अटक केली. शनिवारी चौघांना पोलिसांनी न्यायालयात हजर केले. न्यायालयोन त्यांची २२ सप्टेंबरपर्यंत पोलिस कोठडीत रवानगी केली. अंकित याच्याविरूद्ध एक गुन्हा दाखल असून त्याच्याविरूद्ध प्रतिबंधक कारवाईही करण्यात आली आहे.