Mumbai Kabutar Khana Location : काही वॉर्डने जागा उपलब्ध असल्याचा अहवाल सादर केला, तर अन्य वॉर्डांमध्ये जागाच उपलब्ध नसून, तशी माहिती सादर केली गेली.
नवीन कबुतरखान्यांचा अहवाल सायंकाळी पाच वाजेपर्यंत सादर करा, अशा सूचना पालिकेतर्फे वॉर्ड अधिकाऱ्यांना करण्यात आल्या. त्यानुसार सायंकाळपर्यंत अनेक वॉर्डांकडून हा अहवाल सादर झाला. २४ वॉर्डांपैकी काही अधिकाऱ्यांनी वॉर्डची रचना, लोकसंख्या इत्यादी पाहता नवीन कबुतरखान्यांसाठी जागाच उपलब्ध नसल्याचे सांगितले. तर काही वॉर्डांकडून जागा उपलब्ध असल्याचा अहवाल सादर करण्यात आला आहे.
अहवाल सादर करण्यासाठी ‘गुगल शीट’ तयार करून त्यात माहिती भरण्यास सांगितले होते. माहितीचा अहवाल सादर झाल्यानंतर येत्या सोमवारी यासंदर्भात बैठक होणार असल्याचे सूत्रांनी सांगितले. कबुतरखान्यांसाठी नवीन जागा, हरकती व सूचना आदींवर चर्चा होणार असल्याचेही सांगण्यात आले. आणखी काही वॉर्डने जागा उपलब्ध असल्याचा अहवाल सादर केल्याची माहिती सूत्रांनी दिली. तर अन्य वॉर्डांमध्ये जागाच उपलब्ध नसून, तशी माहिती सादर करण्यात आली आहे.
Mumbai Crime : आजी मला दुखतंय, 4 वर्षांच्या नातीने सांगितलं, गोरेगावातील नामांकित शाळेत भयंकर प्रकार, 43 वर्षीय महिला मदतनीस अटकेत
मुंबईत ५१ कबुतरखाने आहेत. मात्र, विधान परिषदेत झालेल्या चर्चेनंतर आणि न्यायालयाच्या आदेशानुसार यातील काही कबुतरखाने बंद करण्यात आले. तर काहींवर महापालिकेकडून दंडात्मक कारवाई झाली. न्यायालयातील खटल्यादरम्यान कबुतरखान्यांवर बंदी घालण्यात आली. मात्र, यावर तोडगा काढण्यासाठी तज्ज्ञांची समिती नेमण्यात आली आणि अहवाल तयार करण्यास सांगितले गेले. त्यानंतर महापालिकेने कबुतरांना नियंत्रित पद्धतीने खाद्य पुरवावे किंवा कसे यावर हरकती, सूचना मागवल्या. यावर महापालिकेने कोणतीही स्पष्टता दिली नाही. त्यानंतर महापालिकेच्या सर्व वॉर्ड अधिकाऱ्यांना लोकवस्तीपासून ५०० मीटर अंतरावर नवीन कबुतरखाने उघडण्यासाठी जागेचा शोध घेण्याच्या सूचना महापालिका आयुक्तांनी केल्या. बाजार तसेच वर्दळीच्या भागांपासून हे काहीसे लांब असावेत, अशाही सूचना केल्या. त्यानंतर वॉर्ड अधिकाऱ्यांकडून नवीन कबुतरखान्यांचा शोध सुरू झाला.
मराठा आंदोलनात फूट? आरक्षण मुद्यावरून संजय लाखे पाटील आणि मनोज जरांगे यांच्यात वाद ?
दरम्यान, आर मध्य वॉर्डअंतर्गत संजय गांधी राष्ट्रीय उद्यानात आदिनाथ दिगंबर जैन मंदिरामार्फत कबुतरखाना उभारण्यात आला आहे. त्याचे अनावरण नुकतेच मुंबई उपनगर जिल्ह्याचे सहपालकमंत्री मंगलप्रभात लोढा यांनी केले होते. त्यानंतर काही राजकीय पक्षांनी त्याला विरोधही केला.Sandeep Deshpande : कूक-पदार्थ परप्रांतीय, स्वतःच्या हॉटेलातही मराठी आचारी नाही; मनसे नेते संदीप देशपांडे ‘इंदुरी चाट’वरुन भाजपकडून ट्रोल
असे आहेत पर्याय
एन वॉर्ड: अंधेरी-घाटकोपर मार्गावर नवी जागा.
पी उत्तर: मालाडमधील भागात सोय.
एस वॉर्ड : विक्रोळीतील टागोरनगरमध्ये पर्याय.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा