गेल्या सिंहस्थात १८८ किलोमीटरचे रस्ते ४८८ कोटींत झाले असताना यंदा २,२९१ कोटींचा आराखडा कसा, असा सवाल महाजन यांनी उपस्थित केला आहे. त्यामुळे सन २०२७ मधील सिंहस्थासाठी उडवलेली कोटीच्या कोटी उड्डाणे आता पालिकेच्या अंगलट येण्याची शक्यता आहे.
मुंबईतील पार्टीत झिंगले, भाजप पदाधिकाऱ्यांच्या ‘पोटातलं ओठावर’, बड्या नेत्याला समजलं आणि थेट…
कुंभमेळा प्राधिकरणाने पहिल्या रस्तेकामांसाठी ९३० कोटी रुपयांच्या रस्त्यांच्या कामांना प्रशासकीय मंजुरी दिली आहे. परंतु, महाजन यांच्या उपस्थितीत महापालिकेत झालेल्या बैठकीत महाजन यांनी अंदाजपत्रक फुगवल्याच्या तक्रारी असल्याचे स्पष्ट करीत संशय व्यक्त केला. दहा वर्षांपूर्वी जी कामे ४६८ कोटी रुपयांमध्ये झाली त्या कामांसाठी आता दोन हजार कोटी का, असा सवाल करीत महापालिका, सार्वजनिक बांधकाम विभाग, रस्तेविकास महामंडळ यांनी यापूर्वी अशा पद्धतीने केलेल्या कामांसाठी कोणते दर निश्चित केले होते याची तपासणी करावी, असे निर्देशही दिले आहेत.
नाशिककरांना महागात पडणार गुटख्याची पिचकारी! १८० रुपयांपासून २५ हजारांपर्यंतचा दंड, महापालिकेने नेमले पथक
रस्ते बांधणीकरिता राज्याच्या सार्वजनिक बांधकाम विभागाचा प्रतिकिलोमीटरसाठीचा दर सहा कोटी रुपये आहे. महापालिकेच्या बांधकाम विभागाचा दर प्रतिकिलोमीटरसाठी तब्बल बारा कोटी रुपये आहे. त्यामुळे महापालिकेच्या प्राकलनावर संशय निर्माण झाला आहे. या पार्श्वभूमीवर महाजन यांनी दोन तास बैठक घेऊन बांधकाम विभागाची झाडाझडती घेतली. त्यात रस्त्यांच्या दोन हजार कोटींच्या अंदाजपत्रकाची चिरफाड करीत तपासणी करण्याचे निर्देश दिल्याने अधिकाऱ्यांची कोंडी झाली आहे.