Shiv Sena UBT MNS BJP alliance : ठाण्यातील स्पोर्टिंग क्लब कमिटीच्या त्रैवार्षिक निवडणुकीत शिवसेनेच्या नेते मंडळींसमोर भाजप, उबाठा व मनसेच्या पदाधिकाऱ्यांचे पॅनल उभे ठाकले आहे
मुंबई क्रिकेट संघटनेला संलग्न असलेल्या स्पोर्टिंग क्लब कमिटीची त्रैवार्षिक निवडणूक शुक्रवार, १९ सप्टेंबरला ठाणे सेंट्रल मैदावरील क्लबच्या सभागृहात होणार आहे. या निवडणुकीत क्लबचे सदस्य १८ उमेदवारांमधून ९ कार्यकारिणी सदस्यांची निवड करतील.
मावळत्या कार्यकारिणी मंडळातील अध्यक्ष डॉ. राजेश मढवी हे ठाणे भाजपचे उपाध्यक्ष असून त्यांच्या नेतृत्वाखाली स्पोर्टिंग कार्यशील पॅनेलमधून सुषमा मढवी यांच्यासह विद्यमान सचिव दिलीप धुमाळ, खजिनदार डॉ. योगेश महाजन, सहसचिव सुशील म्हापुस्कर व क्लबचे ज्येष्ठ सदस्य किशोर ओवळेकर, माजी उपाध्यक्ष अतुल फणसे व शिवसेना (उबाठा) विभागप्रमुख सचिन गोरीवले व मनविसे सरचिटणीस संदीप पाचंगे निवडणूक रिंगणात आहेत.
Uddhav Thackeray : कोकणात ‘उबाठा’ला खिंडार, उद्धव ठाकरेंच्या विश्वासू समर्थकांनी साथ सोडली, सामंत बंधूंचा धमाका
या पॅनेलसमोर शिवसेनेचे माजी नगरसेवक विकास रेपाळे यांच्या नेतृत्वाखाली स्पोर्टिंग क्लब पॅनेल निवडणुकीच्या मैदानात आहे. रेपाळे यांच्यासह शिवसेनेचे ठाणे जिल्हा सचिव विलास जोशी, श्रावण तावडे, अॅड. कैलास देवल, मनोज यादव, प्रफुल्ल वैद्य, किरण साळगावकर, जितेंद्र मेहता, सतीश नाचणे यांनी आपले आव्हान उभे केले आहे.निवडणुकीत कमलाकर मराठे हे रिटर्निंग ऑफिसर म्हणून काम पाहणार आहेत. तर उमेश ग्रोव्हर आणि प्रल्हाद नाखवा हे यावेळीही सहाय्यक निवडणूक अधिकारी म्हणून काम करणार आहेत.Parshuram Jadhav : तिशीतल्या मुलाचा मृत्यू, सून पाच महिन्यांची गरोदर अन्… ठाकरेंच्या निष्ठावंत नेत्याची हृदयद्रावक कहाणी, वडिलांचा निरोप घेण्यासाठी…
नावे मागे घेताना ‘द्विस्ट’
सुरुवातीला २४ उमेदवारांनी निवडणूक अर्ज दाखल केले होते. सोमवारी, नावे मागे घेण्याच्या शेवटच्या दिवशी ६ उमेदवारांनी आपले अर्ज मागे घेतले. यात विसर्जित कार्यकारिणीतील प्रशांत गावंड यांनी आश्चर्यकारकरित्या नाव मागे घेतले. गावंड मावळत्या कार्यकारणीत माजी नगरसेवक विकास रेपाळे यांच्या पॅनलमधून सदस्य म्हणून निवडून आले होते. भाजपच्या माजी नगरसेविका दीपा गावंड यांचे प्रशांत गावंड हे पती असून विसर्जित कार्यकारिणीतील ९ पैकी ८ सदस्य पुन्हा निवडणुकीच्या रिंगणात उतरले आहेत
Devendra Fadnavis | उद्धव ठाकरेंना उपकाराची जाणीव करून दिली, देवेंद्र फडणवीसांनी A टू Z काढलं
१ ऑक्टोबर २०२५ ते ३० सप्टेंबर २०२८ या कालावधीकरता होत असलेल्या या निवडणुकीत क्लबच्या इतिहासात सुषमा मढवी यांच्या माध्यमातून एकमेव महिला निवडणुकीत उभ्या असून मुंबई महिला क्रिकेट संघाच्या निवड समितीच्या त्या सदस्य असून मुंबई रेल्वे पश्चिम विभागाच्या संघातून त्या प्रतिनिधित्व करतात.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा