Pune News : वडगाव निंबाळकर पोलिसांनी करंजे पूल परिसरात केलेल्या कारवाईत अवैध वेश्या व्यवसाय रॅकेट उघडकीस आले. पोलिसांनी एका संशयित गाडीची तपासणी केली असता, दोन पीडित महिलांना पैशांचे आमिष दाखवून वेश्या व्यवसायास भाग पाडले जात असल्याचे समोर आले. याप्रकरणी दोन आरोपींना अटक करण्यात आली असून पोलीस पुढील तपास करत आहेत. ज्यामुळे आणखी मोठे रॅकेट उघडकीस येण्याची शक्यता आहे.
महिला पोलिस कॉन्स्टेबलच्या उपस्थितीत चौकशी करण्यात आली. यामध्ये दोन पीडित महिलांना पैशाचे आमिष दाखवून जबरदस्तीने हडपसर, पुणे येथून लोणंद येथे आणून वेश्या व्यवसायास भाग पाडले जात असल्याचे उघड झाले.
मोठे रॅकेट उघड होण्याची शक्यता
या प्रकरणी दोन सराईत आरोपी, सुयोग हिंदुराव खताळ आणि प्रीतम आप्पासाहेब घुले (दोघेही रा. कापडगाव, लोणंद, ता. फलटण, जि. सातारा) यांना अटक करण्यात आली. पीडित महिलेच्या फिर्यादीवरून वडगाव निंबाळकर पोलीस ठाण्यात गुन्हा दाखल झाला आहे. या कारवाईतून आणखी मोठे रॅकेट उघड होण्याची शक्यता आहे. तपास पोलीस निरीक्षक विलास नाळे आणि उपनिरीक्षक राहुल साबळे करत आहेत.
ही कारवाई पुणे ग्रामीण पोलीस अधीक्षक संदीपसिंह गिल, अपर पोलीस अधीक्षक गणेश बिरादार आणि उपविभागीय पोलीस अधिकारी सुदर्शन राठोड यांच्या मार्गदर्शनाखाली पोलिसांनी यशस्वीपणे पार पाडली. यात सहाय्यक पोलीस निरीक्षक नागनाथ पाटील, उपनिरीक्षक डी.एस. वारुळे, हवालदार अमोल भोसले, रमेश नागटिळक, कुंडलिक कडवळे, पोपट नाळे, निलेश जाधव आणि नागनाथ परगे यांचा समावेश होता.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा