या चोरीमागील नेमका उद्देश कोणता याचा तपास पोलिस करीत असून प्राथमिक अंदाज खोडसाळपणा आणि काहीतरी वेगळं करण्यासाठी हे कृत्य केल्याचे म्हटले जात आहे. चोरी करण्यापूर्वी नौदलाच्या वसाहतीमध्ये कसे शिरता येईल याची दोघांनी रेकी केली होती. राकेश डूबला आणि उमेश डुबला अशी अटक केलेल्या भावांची नावे असून दोघेही तेलंगणच्या आसिफाबाद जिल्ह्यातील एका गावचे आहेत.

याआधी, अग्निवीर असल्याचे सांगून कर्तव्यावरील एका गार्डची रायफल आणि काडतुसे घेऊन फरार झालेली व्यक्ती एखाद्या षडयंत्राची सूत्रधारही असू शकते, या दृष्टीने राष्ट्रीय तपास संस्थेने (एनआयए) तपास सुरू केला होता. त्याचवेळी नौदलाकडून अंतर्गत उच्चस्तरीय तपासही सुरू झाला होता. मुंबईतील सर्व संरक्षण वसाहती, युनिट्सना सतर्कतेचा इशारा देण्यात आला होता.

नेमकं काय झालं होतं?

अग्निवीर म्हणून कर्तव्यावर आलो असल्याचे सांगून नौदल गणवेषातील एका व्यक्तीने कुलाबा, नेव्हीनगरातील एका चौकीवर तैनात असलेल्या गार्डची रायफल व काडतुसे शनिवारी रात्री पळवून नेल्याचा आरोप झाला होता. तीन दिवस उलटूनही या व्यक्तीचा शोध लागत नसल्याने चिंता व्यक्त केली जात होती.

ही घटना नेव्हीनगरालगतच्या एका झोपडपट्टीसारख्या भागातील प्रवेशद्वारावर घडल्याने ती व्यक्ती एखाद्या कारस्थानाची सूत्रधार असू शकते का?, या दृष्टीने ‘एनआयए’ने तपास सुरू केला होता.
Pune Gang War : बंडू आंदेकर कोचीला गेलाय, पोलिसांना टिप; 70 वर्षीय गँगस्टरचा गेम झाला अन् हायवेवर मुलीसह सापडला
मुंबईतील सर्व संरक्षण वसाहती, युनिट्सची सुरक्षा अत्याधिक कडक करण्यात आली होती. तसेच संरक्षणाशी संबंधित सर्व जागांना हाय ॲलर्ट देण्यात आला होता. तीनस्तरीय तपासणीनंतरच कुठल्याही व्यक्तीला प्रवेश दिला जात आहे. कुलाबा लष्करी तळाच्या आत असलेल्या प्रत्येक विभाग व जागांना छावणीचे स्वरूप आले. गॅरिसन इंजिनीअर, एअरफोर्स मेस, नौदल वसाहत अशा महत्त्वाच्या तळांच्या बाहेर युद्धसज्ज स्थितीतील (अंगचिलखत, डोक्याचे चिलखत व एके ४७ रायफल) गार्ड कर्तव्यावर तैनात असल्याचे तेथे गेल्यावर दिसून येत होते.
Solapur Crime : महिला कलाकाराशी प्रेमसंबंध, सोनं अन् अडीच लाखांचा फोन गिफ्ट; उपसरपंचाच्या गूढ मृत्यूमागे कोण?

४०० ते ७०० मीटरपर्यंत मारा करणारी ‘इन्सास’

या फरार व्यक्तीकडे ‘इन्सास’ रायफल असल्याचे स्पष्ट झाले होते. भारतीय बनावटीच्या या रायफलची मारक क्षमता ४०० ते ७०० मीटरपर्यंत असून, अचूक मारा ४०० मीटरवर होतो, हे विशेष.