हत्येपूर्वी एकत्र दारू प्यायली

अटकेनंतर आरोपी आशिष शेट्टीला न्यायालयात हजर करण्यात आले. त्यानंतर न्यायालयाने त्याला 11 सप्टेंबरपर्यंत पोलिस कोठडी सुनावली आहे. पोलिसांनी सांगितले की, आशिष शेट्टीने नितीन सोळंकी (40) याची हत्या केली कारण त्याने त्याच्या आई आणि बहिणीच्या चारित्र्यावर अपमानास्पद टिप्पणी केली होती, अशी माहिती आहे.
Pune Gang War: अर्णव रडत होता, आयुष निपचित पडलेला; त्यादिवशी बेसमेंटमध्ये नेमकं काय घडलं? कोमकर हत्याकांडाची नवी माहिती
मालवणी पोलिस अधिकाऱ्याने दिलेल्या माहितीनुसार, शेट्टीने कबूल केले की त्याने नितीन सोळंकीची हत्या कृष्णा आश्रम, कोळीवाडा, रामेश्वर गली, मार्वे रोड, मालवणी जवळील खोली क्रमांक-1 मध्ये केली होती. माहितीवरून कारवाई करत पोलिसांचे पथक घटनास्थळी पोहोचले आणि त्यांना सोळंकी गंभीर जखमी अवस्थेत आढळून आळा. त्यानंतर त्याला कांदिवलीतील शताब्दी रुग्णालयात नेण्यात आले. जिथे डॉक्टरांनी त्याला तपासून मृत घोषित केले. सोळंकी एका रुग्णालयात केअरटेकर म्हणून काम करत होता आणि शेट्टीच्या बहिणीशी त्याचे प्रेमसंबंध होते. आशिषला या प्रेमसंबंधाची माहिती होती, परंतु सोळंकी गेल्या काही काळापासून त्याच्या आई आणि बहिणीचा अपमान करत होता, ज्यामुळे त्यांच्यात वारंवार भांडणं होत होती. शनिवारी रात्री 10:30 वाजताच्या सुमारास आशिष जोगेश्वरीमध्ये सोळंकीला भेटला आणि दोघांनी एकत्र दारू प्यायली.

दुसऱ्या दिवशी सकाळी दोघेही मालवणीला आले. तिथे रागाच्या भरात आशिषने सोळंकीवर काठीने जोरदार हल्ला केला. ज्यात सोळंकीचा गंभीर जखमी होऊन जागीच मृत्यू झाला. या घटनेनंतर आशिष घाबरला आणि थेट मालवणी पोलिस ठाण्यात पोहोचला. तिथे त्याने आपल्या गुन्ह्याची कबुली दिली.

मालवणी पोलिसांनी आशिष शेट्टीविरुद्ध खुनाचा गुन्हा दाखल करून त्याला अटक केली आहे. पोलिसांनी हल्ल्यात वापरलेली काठीही जप्त केली आहे.