राष्ट्रवादी काँग्रेसचे (शप) विधिमंडळ गटनेते जितेंद्र आव्हाड यांचे समर्थक असलेल्या माजी नगरसेवकांनी गेल्या काही महिन्यात पक्षाला ‘जय महाराष्ट्र’ केला. आधी कळव्यातील माजी लोकप्रतिनिधींनी शिवसेनेचा पर्याय स्वीकारला. तर लोकमान्यनगर सावरकरनगर पट्ट्यात प्रभागाचे माजी लोकप्रतिनिधी असलेले अमित सरैया भाजपमध्ये गेल्याने आता आव्हाड समर्थकांनी थेट ‘आम्ही जितेंद्र आव्हाड यांचे निष्ठावंत’ असे बॅनर नितीन कंपनी जंक्शन येथे लावले आहेत.

या बॅनरवर जितेंद्र आव्हाड यांच्यासह राष्ट्रवादीचे ठाणे शहराध्यक्ष सुहास देसाई, मनोज प्रधान, संतोष तिवारी व सुरेंद्र उपाध्याय यांचे फोटो आहेत.

आम्ही कोणत्याही परिस्थितीत आव्हाड यांची साथ सोडणार नसून ज्यांनी पक्षाला सोडचिठ्ठी दिली, त्यांना येत्या काळात जनता धडा शिकवेल, अशी प्रतिक्रिया राष्ट्रवादीचे पदाधिकारी संतोष तिवारी यांनी दिली. तसेच मला या प्रकरणावर काही भाष्य करायचे नाही, असे मत माजी नगरसेवक अमित सरैया यांनी व्यक्त केले.
Satej Patil : विधान परिषद विरोधीपक्ष नेतेपदावर काँग्रेस दावा करणार, मोहरा ठरला, माजी राज्यमंत्री महायुतीला भिडणार
दुसरीकडे, राज्याचे महसूलमंत्री चंद्रशेखर बावनकुळे आणि राष्ट्रवादी काँग्रेस शरदचंद्र पवार पक्षाचे आमदार रोहित पवार यांच्यात सोमवारी ‘एक्स’ या समाजमाध्यमावर जुंपलेली पाहायला मिळाले. वर्तमानपत्रे आणि मुंबई महानगर प्रदेशातील होर्डिंग्जवर मुख्यमंत्री देवेंद्र फडणवीस यांचे ‘देवाभाऊ’ या जाहिरातीवरून पवार यांनी महायुती सरकारला लक्ष्य केले होते. त्याच्या उत्तरादाखल बावनकुळे यांनी पवार यांना थेट राजकीय संन्यास घेण्याचे आव्हान दिले.
Maharashtra Politics : भाजपच्या वैऱ्याशी शिवसेनेची हातमिळवणी, थेट पत्रकार परिषदेत युतीची घोषणा, राजकारणात उलटफेर
रोहित पवार यांनी ‘देवाभाऊ’ या जाहिरातीवरून महायुती सरकारला लक्ष्य केले होते. त्यावर बावनकुळे यांनी प्रत्युत्तर देताना महाविकास आघाडीच्या काळात कुणी आणि किती रकमेच्या जाहिराती द्यायला लावल्या हे पाहून घ्या, असा टोला हाणला.